Dili 31 Jullu 2024(RCC)- Komunidade Bairu Eis-Asrama Brimob Aladeia 4 De Setembru Suku Comoro Konsidera Hahalok Seguransa PNTL ho Ekipa Inter-ministerial Ne’ebé Mak Halo Levantamentu Dadus ho Maneira Forsada no Obrigatorio Tanba la Dialogo ho Komunidade Sira.
Iha komunikadu portavoz Januario Amaral de Jesus haktuir ba jornalista sira fatin eis-asrama Brimop katak, la satisfas ho atitude interministerial ho ekipa seguransa PNTL nian ne’ebé halo levantamentu dadus ho fosada no obrigatoriu tamba la iha dialogo ho komunidade refere, kuatra (31/07/2024).
“Iha loron 20 fulan Jullu tinan 2024 liu husi Autoridade lokál Aldeia 4 de Setembru suku Comoro sefe Aldeia no sefe suku hato’o informasaun ba komunidade katak iha tempu badak Governu planu ona atu konstrui kajerna no armazen ba PNTL iha fatin refere, ho nune’e reprezentante komunidade hato’o kedas karta pedidu ba Ministru interiór no komisario geral PNTL atu marka tempu hodi bele halo dialogo ho komunidade antes realiza planu , maibé karta refere la hetan resposta husi nain ulun sira liu tiha loron lima, iha loron 25 fulan Jullu tinan 2024 Ministru interiór husi komandu geral PNTL lansa ekipa seguransa PNTL kompletu ho arma ne’ebé mak lidera husi asistente supretendete polísia Carlito Adoro juta ho ekipa Ministerial halo levantamentu dadus matéria forsada obriga halo komunidade sira hela iha fatin refere trauma, Tanba ne’e komunidade lamenta atitude nain ulun sira ho seguransa PNTL nian ekipa interministerial ne’ebé mak halo levantamento dadus ne’e, ami kondena asaun sira ne’ebé mak hanesan, Ministru interiór la iha vontade no la resposta ezizensia komunidade ne’ebé mak husu atu halo dialogo ho komunidade nian nu’udar sidadaun iha rai ida ne’e, komisariu PNTL lakon ona sentimentu umanus ba nia maluk Timor oan, tanba la iha estadu viabilidade antes foti desizaun hodi mai hadau rai iha fatin eis Asrama Brimob, kondena tebes hahalok seguransa PNTL ho ekipa interministerial ne’ebé mak mai ho levantamentu dadus maneira forsada no obriga tanba la liu husi dialogo ho komunidade, tanba ekipa seguransa PNTL mai ho arma tanba ne’e ho sira nia prezensa halo tarauma komunidade sira iha área refere asaun hirak ne’e dehan ami la kumpri ba Konstitusaun RDTL artigu 47 polísia no forsa seguransa sira hateten iha alina1 polisia sei defende legalidade demokrátiku no garantia sidadaun sira nia iha seguransa interno, tanba Ami komunidade Brimob prontu atu kopera no simu dezenvolvimentu maibé tene no respeita ami hanesan ema ho digno,”dehan portavóz Januario Amaral.
Iha fatin hanesan Asistensia Adogado Elias Godinho informa husu ba governu bainhira atu muda sai komunidade sira tenke halo prosedimentu ne’ebé di’ak ho komunidade sira laós mai uza forsa hodi hasoru komunidade sira, no husu mós governu atu hasai komunidade sira tenke kria fatin digno ba sira.
“Situasaun ne’ebé akontese iha suku Comoro ne’ebé mak dehan ministeru interiór iha nesesidade atu foti rai ne’ebé mak komunidade uza ba harii kajerna ka fatin polísia nian, ida ne’e razaun ida atu foti rai ho dezenvolvimentu maibé prosedimentu ne’ebé atu foti rai la’ós katak atu uza forsa uza polísia mai atu halo intimidasaun ba iha komunidade sira, tanba Governu tenke lembra katak prosesu ida atu hasai komunidade nia uma hela fatin ne’e dalan ida ne’ebé halo komunidade sai fraku atu hato’o nia vida sosial, tanba ita nia lei sira ko’alia kona-ba propriedade privadu direitu ba uma adekuadu asegura dimensaun sira ne’e, situasaun sira ne’e asegura hela komunidade sira atu hela iha fatin ne’ebé mak digno nia mekanismo mak Governu atu foti nia tenke apresenta planu projetu ba futuru misteru interiór iha nesesidade atu uza fatin ida-ne’e ba instala kajerna polísia nian, agora ninia prosedemetu tuir mak tenke halo identifikasaun iha fatin refere no konsutasaun ba públiku nia tenke negósia ho komunidade sira no tenke apresenta planu alojamentu ba komunidade sira, entaun mekanismu sira ne’e mak fó dalan ba Governu atu hakotu komunidade nia direitu ba utilizadaun propriedade ba utilidade públiku ninian, tanba Ita nota katak prátika husi Governu iha Dili laran kuaze violasaun ba regra no violasaun ba direitos umanus a’as Governu la reflete katak lei nasionál ho lei internasionál protege sidadaun nia direitu no mós asegura governu nia dever atu halo dezenvolvimentu sira,tanba ne’e husi ba governu atu resposta ba legislasaun sira ne’ebé maka governu ho Parlamentu produs lei sira ne’e mak nu’udar matadalan atu gia prosesu dezenvolvimentu sira”, informa Adogado Elias.
Iha sorin seluk veterana no mós representa komunidade afetada, Bilore klarifika tan katak, sira prontu kopera ho governu maibe tenke halo tratamentu digno ba sira laós hein tempu kampaña mak koalia lian mesak midar maibe la tau iha pratika.
“Ami kopera ho nain ulun sira atu halo dezenvolvimentu iha ita nia rai maibé tenke halo tratamentu digno ba feto maluk sira no ita nia oan sira ne’ebé mak kontinuadores ba futuru Timor nian, tanba ne’e hare netik sira nia oin, rona netik sira nia halerik se la’ós imi mak sira nia halerik sira atu halerik ba se , iha kampaña liafuan sai midar agora tau iha prátika atu nune’e povu bele kontente la’ós iha momentu kampaña mak hasai liafuan midar maibé to’o ikus lori fali kilat maka mai amiasa ami tanba imi hatete tiha oan katak estadu mak povu no povu mak estadu, tanba ne’e bele uza ita boot sira nia poder maibé uza ho fuan tanba farda ne’e povu nian” hakotu inan Bilore.
Jornalista: Anita Vaz
Editor: Luhamutu
