Dili 2 Agusto 2024 (Rcc)-Autoriedade Protesaun Civil (Apc) Liuhosi Diresaun Tutela Sira Halo Aprezentasaun Progressu Servisu Hahu Husi Janeiru To’o Juñu Tinan 2024 Nomós Prepara Planu Programa Prioriedade Rua, Sistema Seguransa Nasional, No Dezenvolvimentu Instituisional, No Orsamentu Jeral Estadu Tinan 2025.
Sekretariu protesaun civil Domingos Mariano Reis hateten, aprezenta progressu servisu iha tinan ne’e no planu ba tinan oin nian programa prioriedade ba tinan 2025 mak Sistema seguransa nasional no dezenvolvimentu instituisional, maibé tenki garanti boa governasaun.
“Ohin kada diresaun ida-idak aprezenta sira nia progressu exekusaun 2024 nomós aprezenta mos sira planu ba tinan 2025, progressu saída mak sira halo ona no bareira saída mak sira hetan saída mak prepara hodi responde iha 2025 ninian, programa ne’ebé mak sai prioriedade ba 2025 ninian no programa ida ne’ebé mak iha tinan 2024 exekuta ona maibé la atinji ida ne’e sei exekuta iha tinan oin, autoriedade protesaun civil nia programa rua, Sistema seguransa nasional no dezenvolvimentu instituissionál, dezenvolvimentu instituisionál ho Sistema seguransa nasionál maibé tenki garantia boa governasaun promove poupansa orsamentu jerál do estadu no transferensia akontabilidade ne’e sai programa prioriedade ba autoriedade protesaun civil, saída mak bele to’o iha ne’eba kapasitasaun rekursu umanu no kapasitasaun intermo jestaun lideransa ba kargu xefia sira importante oinsa atu bele exekuta orsamentu no programa hodi promove poupansa orsamentu estadu”, Dehan Sekretariu iha Salaun APC Kaikoli Díli
Sekretariu estadu ne’e afirma tan katak orsamentu iha tinan 2024 hamutuk 7.9 millões no exekuta ona 4.1 millões ho pursentu 52%, no agora autoriedade protesaun civil hamosu tan diresaun tolu, garantia sustentabilidade dezenvolvimentu nasaun nian hodi labele mal gastu orsamentu estadu, maske rekursu sai preokupasaun maibé la sai bareira ba servisu lorloron autoriedade protesaun civil nian.
“Iha 2024 orsamentu 7.9 millões dolar husi total ida ne’e ita exekuta ona 52% husi total ida ne’e signifika katak exekuta ona 4.1 millões dolar husi inisial total 7.9 millões ne’e, agora programa prioriedade saída mak atu halo autoriedade protesaun civil altera lei ba lei organiku ne’ebé hamosu tan diresaun tolu foun, diresaun mitikasaun investigasaun, diresaun nasional resposta emerjensia no diresaun nasional rekooperasaun, maibé la’os ita ko’alia de’it rekooperasaun maibé ko’alia ida mak prevensaun mak importante loos tanba ida ne’e mak ita tenki investe iha prevensaun hodi labele kontinua mal gastu ba orsamentu estadu nian hodi garantia sustentabilidade dezenvolvimentu nasaun nian, ba 2025 ami sei ko’alia maibé ami seidauk ko’alia orsamentu maibé ko’alia uluk programa prioriedade sira, diresaun ne’ebé mak agora tutela iha autoriedade protesaun civil mak, primeiru diresaun nasional dezastre, nasional bombeiros, nasional ba unidade espesiál protesaun civil, nasional sentru formasaun, diresaun nasional mitikasaun prevensaun, nasional rekooperasaun, diresaun nasional civil no emerjensia, rekursu ne’e sai preokupasaun ita nian maibé la signifika katak ida ne’e sai bareira ba ami nia knaar ka servsiu lorloron, ida sai hanesan referensia ba ami hodi prepara planu ne’ebé mak di’ak hodi kompleta rekursu sira hodi responde nesesidade povu nian” Nia Informa
Nune’e mos presidente autoriedade protesaun civil Jesuíno dos Reis de Matos Carvalho husu ba diresaun sira atu mantein nafatin ho valor ne’ebé durante ne’e exekuta ona, atu obriga malu mós ladun di’ak tanba fasildade la adekuadu.
“Ha’u nia mensajen mak ne’e hakarak hateten de’it mantein valor ne’ebé mak durante ne’e ita exekuta no durante ne’e ita hala’o asegura nafatin tuir valor ne’ebé maki ta tau hela, iha vensimentu salariu, no tau sasukat ba tuir forsa ne’ebé mak ita iha bu’at ne’ebé mak ita tau tuir bu’at ne’ebé ita exekuta ho responsabilidade tuir fali mai ha’u hatene katak iha problema barak kona-ba termo entrega iha difikuldade barak mak hasoru mak falta ekipamentus rekursu ne’ebé mak ladun adekuadu atu ita halo servisu ne’ebé tentativa ha’u halo ona oinsa atu asegura servisu ita hotu nian ne’ebé karik tempu badak ita konsentra iha ne’e atu ita koko oinsa servisu ho responsabiliza, ita hakas malu obriga malu maibé rekursu la permite” Nia Hoktu
Jornalista : Leo Alves
Editor : Luhamutu
