Dili 28 Janeiro 2025 (RCC)- Tempu Badak Sekretario Estado Asunto Toponomia Organizasaun Urbana Sei Hasai Komunidade Aldeia Tolu Iha Suku Kuluhun Hodi Hamamuk Fatin Tamba Hetan Alargamentu Ba Estrada Husi Diresaun Suku Kuluhum Liga Ba Bekora
Iha entrevista xefi suku kuluhun Deus Dado Martins afirma relasiona ho alargamentu ba estrada iha kuluhun liga ba Bekora komunidade sira sei hamamuk iha tempu badak tamba fatin ne’ebe komunidade sira hela okupa fatin públiku
“Iha suku kuluhun iha aldeia hitu (7) entre aldeia 7 nee iha aldeia 3 mak hetan alargamentu ba estrada mak hanesan aldeia Tokobaru funu hotu ho aldeia Loelaku no aldeia (4) neebe la kona alargamentu ba estrada mak aldeia sorumutu ba dame,aldeia Nato aldeia lao rai no aldeia tane mutu mak livre husi alargaentu estrada,” Dehan xefi suku dado ba jornalista RCC iha knar fatin sede suku kuluhun
Nia akresenta ekipa konjuntu MOP ,terras propriedades ho SEATOU fo ultimatu ba komunidade sira ne’ebe hetan alargamentu estrada iha loron 9 fulan janeiru tinan 2025
“Ne’ebe ohin ne’e sira ba ona obras publiku Mandarin atu submete sira nia dokumentus ba iha ne’eba hodi bele hetan indiminizasaun ruma husi governu Ohin dadersaan ami enkontru urgenti ida iha Obras puplika hakarak ka lakoi iha tempu badak nia laran ita nia sekretariu estadu halo ninia servisu tamba fo prazu fo fulan ida (1) deit ,Iha dia 9 janeiru SEATOU halo sosializasaun hasoru komunidade sira neebe mak afetadu iha loron 9 feveriru atu hamos fatim ,ida nee mak lia menon neebe nia hatoo hela mai iha estrutura suku husu delgadu delgada xefi aldeia too xefi suku, “ katak xefi suku
Xefi suku relata komunidade iha suku kuluhun kopera diak tebes ho estadu tamba hakarak halo dezenvolimemtu ba rai ida nee, importante mak estadu konsidera sira fo indimizasaun molok sira muda ba fatin seluk
“komunidade suku kuluhun kopera diak tebtebes tamba hakarak halo dezenvolvimentu ba ita nia nasaun entaun ita tenke kopera duni kualker situasaun saida deit naran katak estadu tenke rekonese sira neebe mak okupa rai estadu nian pelumemus estadu hasai ami husi fatin ida fo netik buat ruma para ami ba fali fatin ruma ,iha momentu ne’eba SEATOU tun kopera diak tebes ho komunidade neebe sira hein deit bainhira mak sira mai sira entrega fatim ne’e.” xefi suku hakotu
Entretanto tuir dadus suku kuluhun total populasaun Geral hamutuk (10.3.14) total uma kain tolu nulu resin ida (31) mak hetan alargamenti ba estrada no uma neebe mak atusobu total hamutuk 31 hotu neebe halo alargentu ba estrada
Jornalista : Domingas Viana
Editor : Luhamutu
