Sua Exelénsia Ministru Petróleu no Rekursu Minerais lidera alta delegasaun husi Timor-Leste ba Osaka Business Forum ne’ebé assosia iha Expo 2025. Forúm ne’e halibur funsionáriu superiór, parlamentár sira, líder institusionál sira no reprezentante hosi setór privadu Japaun no Timor-leste, hodi hametin kooperasaun no exlora oportunidade iha enerjia minerasaun no investimentu.
Sua Eselensia Ministru akompaña husi Señora Prezidente Komissaun C, Cedelizia Faria dos Santos, Señor Prezidente Komissaun D, Ricardo Baptista no mós lideransa instituisaun tutela sira hanesan ANP, ANM, TIMOR GAP, MRT, no IGTL. Eventu ne’e mos partisipa husi reprezentante TradeInvest no SERVE, ho nia homólogu husi Japaun, inklui Ministériu Ekonomia, Komérsiu no Indústria.
Iha diskurssu, Ministru Monteiro aprezenta programa governu nian petróleu no minerál no konvida empreza japoneza sira, atu apoia dezenvolvimentu infraestruturas downstream hodi akomoda dezenvolvimentu Greater Sunrise, revitaliza Bayu Undan no oportunidade seluk iha futuru. MPRM mos esplika kona-ba papel setor privadu no empreza sira hanesan SundaGas no Estrela Resources, ne’ebé aprezenta sira nia atividade no potensialidade ba negosiu iha Timor-Leste.
Além de ne’e, Sua Eselénsia Ministru ho delegasaun vizita mós pavillaun nasionál oi-oin iha Expo 2025, inklui vizita ba pavillaun Timor-Leste nian, ASEAN, Brazil, Arábia Saudita, no Austrália.
Sua Eselénsia Ministru Monteiro mos destaka katak, Timor-leste nakloke hodi simu investidór sira no komprova katak iha rekursu no oportunidade klara. Maibé além de jeolojia, Timor-Leste presija teknolojia, finansiamentu, no kompromisu ba tempu naruk. Ba Sua Eselénsia MPRM, Japaun hatudu ona ninia espíritu no konvida atu atu hamutuk hodi investe no dezenvolve Timor-Leste.
REMATA
