Dili, 01 Augusto 2024 (RCC)- Vice Primeuru Ministru, Ministru Koordenador Asuntu Sosial no Ministru dezenvolvimentu rural no abitasaun komunitaria halao enkotru ho governu Xineza hodi koalia kona ba servisu bilateral entre Timor Leste (TL) ho Xineza.
Iha entrevista ho VPM-II Mariano Asanami Sabino, hafoin remata enkotru ho governo Xineza, Sun Haiyan iha gabinete vice Primeiru Ministru Palacio Governu haktuir ba jornalista sira katak, enkotru ida ne’e koalia liu kona ba servisu bilateral entre Timor Leste ho Xineza, relasiona ho akordu sira ne’ebe maka Prezidente Republika Jose Ramos Horta asina ona iha ninia vizita estadu ida nee.
“Enkotru importante Ida delegasaun husi CPC partidu kondisional Xina ne’ebe maka mai husi Sira Nia sistema nee garante governu no Partidu no Ita mos iha Ministru Negosius estranjeiros entaun ohin nee delegasaun nee lidera husi Ministru Estranjeirus Ami koalia detalli Liu Kona ba akordu sira ne’ebe maka durante nee governu asina no agora dadaun Prezidente Republika vizita ba iha ne’eba no los asina akordu lubuk Ida entaun Ita koalia oinsa operasionaliza akordu nee entermos ba servisu hamutuk nian,” dehan Asanami.
Nune’e na esplika, tanba haree ba parte Ida hanesan Ministru koordanedor ba asuntu sosial no mos dezenvolvimentu rural Tan nee tenke servisu hamutuk ho governu Xina hodi nune’e oinsa bele lao ba oin.
“Tanba iha parte ida mos haree hanesan Ministru koordenador ba asuntu sosiais no mos desembolvimentu rural abitasaun entaun prontu Ita servisu hamutuk no oinsa servisu hamutuk lao ba oin liu-liu iha kontextu sira nian depois de governu sira mos nudar partidu tenki dudu no garante programa ne’e bele lao,” katak Asanami.
Nia hatutan, tanba hatene katak relasaun Xineza ho Timor Leste iha relasaun ne’ebe antigu hanesan iha tempu rezistensia hahu husi tempu ONU too mai iha ukun -an.
” Ita hatene katak Ita nia relasaun Xina nee relasaun antigu liu iha tempu rezistensia sira ne’ebe maka sempre fo apoiu Ita iha ONU ita ukun an sira maka estabelese uluk sira nia embaixada iha ne’e no durante governasau too ohin loron ita sempre koopperasaun diak ho Xina tanba ne’e maka ita fo Kontiniudade ba koopperasaun entermos governu ho governu povu ho povu, sosiedade sivil.setor privadu no mos iha kontextu entre partidu ho partidu hanesan Prezidente partidu demokratiku iha relasaun antes kedas no Hau vizita nudar lidera delegasaun boot Ida Hudi partidu oin-oin Ami vizita iha 2017 tanba ne’e maka Ami ohin koalia nafatin oinsa relasaun ba futuru nee,” hateten Asanami.
Nia sakienta tan katak, servisu koopperasaun bilateral entre TL ho Xineza koalia Liu kona ba setor dezenvolvimentu rural no mos iha setor saude no iha edukasaun.
“Tanba Xina iha esperensia naruk kona ba dezemvolvimentu rural, no dezenvolvimentu rural nee laos setor rural maiibe nee area ne’ebe presija integradu tanba iha kiak.nee rurais iha neeba no iha rurais nee kampus de servisu laiha, rurais nee mal nutrisaun Aas no iha rurais nee mak iha potensialidade no iha potensia oin-oin entaun oinsa mak ita bele dezenvolve ida nee, nune’e mos koalia oituan Kona ba saude no koalia Kona ba edukasaun liu-liu Ita Haruka labarik Sira bele ba eskola iha Xina no mos Ita hakarak husu nee manten bolsu estudu Xina nee fo bantimor oan sira para kontinua nafatin ba oin no iha futuru mos koalia Kona ba oinsa fahe esperensia liu-liu hasae ba iha kapasidade, konhesementu no mos koalia Kona ba kampus do traballu entre nasaun rua nee,” hakotu Asanami.
Jornalista : Tonia Neto
Editor : Luhamutu
