Dili 1 Augusto 2024 (RCC)- Konsellu Imprensa Distribui Kartera Profisional Ba Jornalista Nain 8 Iha Servisu Jornalismo Nian.
Iha diskursu Diretor Ezekutivu Konsellu Imprensa Antonio Dias hateten fo agradese ba jornalista profisinal na’in 8 ne’ebé esforsu an to’o ohin hetan karteira profisinal no husu sira atu halo tuir dekretu lei no25/2015 5 de agusto estatutu konsellu imprensa nian.
“Agradese tebes ba ita boot sira nia esforsu no pasiensia hodi ohin bele hetan karteira profisional, ohin ita sei atribui ba ita nia maluk nain 8 ita haksolok mós atu hare ita nia feton sira iha produsaun ne’e , pois iha tinan ne’e nia laran mós sei atribui tan ba ema hamutuk 20 na’in no agora iha prosesu rezistrasaun atu halo estajiu ba tinan oin hamutuk ema nain 80 resin, Ita boot sira ne’ebé ohin hahú kartera foun ba jornalismo nian ka jornalista profisional sai ajente prinsipál konsellu imprensa nian atu halo buat ne’ebé tuir buat haat ne’ebé dekretu lei no 25/2015 5 de agusto estatutu konsellu imprensa fo atu ita hamutuk halo buat haat, hamutuk hametin no kolabora liberdade imprensa liberdade espresa, hamutuk tane servisu media nian independente husi influénsia individu husi poder polítiku sira no husi poder ekonomia sira, atu asesu ba profisaun jornalismo tenke tuir kriteru sira no atu promove servisu jornalismo nian atu banati no asegura ita atu hakruk no tane Konstitusaun, atu halo buat haat ne’e ita presiza hamutuk mesak de’it labele“. Hateten Diretor Ezekutivu Konsellu Imprensa
Iha fatin hanesan Presidente Konsellu imprensa Otelio Ote hatene atu sai jornalista profisinál la’ós hare de’it ba hakerek notisia di’ak maibé hare ba hahalok sira hotu ne’ebé mak iha.
“Ema profisionál ba ema hanesan jornalista la’ós tanba ita boot sira halo notisia di’ak, lá’os notisia ida fontes rua, la’ós notisia konfirmadu prosesu rasik ba ita nia hahalok tomak, ita boot halo notisia ne’e ho intensaun los se ita boot halo notisia ho intensaun seluk atu hakarak ataka ema hakarak buka hatun dt ema, ita boot buka dadus ho maneira ne’ebé di’ak, tanba ne’e profisaun ne’ebé simu ne’e la’ós tanba ita jornalista la’ós tanba ita liu tiha ona kolokus sira ne’e maibé tanba merese duni atu sai profisional resposta ema resposta ita nia editor,respeita ita nia sefe redasaun, resposta ita nia direitor ida ne’e mak ita nia karakter ikus nian labele buka hatun ita nia sefe relasaun, editor, diretor, tanba ita nia karakter la di’ak ema bele hasai ita husi instituisaun media sira tanba ne’e husu ita boot sira atu ezerse ita boot sira nia profisaun” haktuir Presidente Konsellu imprensa
Iha sorin seluk reprezentante jonalista profesinal Lilizanto Fatina Viana hatene sira prontu atu servi ba interese públiku no rekoilla nafatin informasaun sira husi sidadaun sira hotu.
“Ohin sai hanesan loron importante ida mai ami jornalista nain 8 hodi ami marka ami nia posisaun sai hanesan jornalista profisional iha ne’ebé ami sei servi de’it ba iha interese públiku ninian hanesan Ita hotu hatene servisu jornalista nian rekoilla informasaun sira halo interpetasaun ba informasaun ne’ebé rekoilla husi sidadaun sira hotu inklui mós hakerek notisia sira ne’ebé bazeia ba faktus no halo komunikasaun ba média sira ne’ebé ho koñesidu husi konsellu imprensa, ohin konsellu imprensa atribui karreta profisional mai ami nu’udar provas ida no rekoñesemetu ida ba ami nia serbisu sira no ba atividade sira ne’ebé mak durante ami partisipa liuliu periodu propriu nia laran ba exame kompetensia konsellu imprensa fo kartaun ne’ebé ohin ami simu sente kaman tebes mai ami maibé iha parte ida atribui hela responsabilidade ida ne’ebé mak todan ba ami na’in 8 oinsá atu bele garantia nafatin kualidade husi ami-nia produtu jornalista“. Hakotu nia
Jornalista : Anita Vaz
Editor : Luhamutu.
