Sorumutu Estraordináriu Konsellu Ministrus loron 6 fulan-novembru tinan 2025
MINISTRU MAPPF MARCOS “MAMETA” DA CRUZ RELATA PROGRESU SETÓR HAAT BÁ DEPUTADU SIRA IHA DEBATE PROPOSTA LEI OJE 2026 FAZE JENERALIDADE
Dili, 06 Novembru 2025 – Ministru Agrikultura, Pekuária, Peska no Floresta (MAPPF),ENG. Marcos”MAMETA” da Cruz MAgSt relata progresu servisu setór Agrikultura, Pekuária, Peska no Floresta bá daputadu sira liu-husi debate proposta leí Orsamentu Jerál Estadu 2026 faze jeneralidade iiha Parlamentu Nasionál kuinta ne’e
“Ha’u diretamente responde bá resposta rekomendasaun no perguntas husi deputadu sira. Ha’u kaer liu bá rekomendasaun ida ne’ebé temi husi daputadu ida kona-bá estratejia oinsá mak bele aumenta produsaun no redúz importasaun. Estratejia ne’ebé mak nonu Governu halo maka primeiru tenke moderniza setór Agrikultura, aplika sistema mekanizasaun bá setór ida ne’e. Atu aplika buat ida importante mak infraestruktura bázika.
Iha setór Agrikultura maka irrigasaun no dezenvolvimentu barazen ka DAM, Ita hotu hatene no ita hotu bá iha terrenu, ita haree, Ita Nia problema boot iha setór Agrikultura maka bee. Iha tempu udan bee barak no iha tempu bai-loron bee laiha. Iha mota sira ne´e hotu maioria laiha bee , Ita haree katak natar ka rai potensia bá dezenvolvimentu Agrikultura mak iha fali leten maibe mota ne´e klean liu depois nakonu ho sedimentasaun. Ne’e Mak buat ne’ebé Ita haree”. Informa Ministru Marcos bá deputadu sira iha PN ohin
Ministru dehan buat ne’e presiza halo uluk mak irrigasaun. Sistema irigasaun ne’ebé Governu liu husi Ministériu Agrikultura, Pekuária, Peska no Floresta halo agora mak blokeia mota sira hodí hasa’e nivel bee hodí fornese bá natar sira. Nune’e maka komesa kedan husi Governu sira uluk, konsege konstroi ona irrigasaun. Ida ne’ebé agora funsiona hela mak iha irrigasaun ualu husi irrigasaun sira ne’e, irrigasaun Mota Laklo nian ne’ebé hetan apoiu husi Japaun, depois halo hotu tiha mota estraga tiha inteik ka vokadura, maibé agora Nonu Governu hahú halo fali moru protesaun atu proteje Akidak ka Shipon ne’ebé iha mota Somasi hodi Nune’e bele kanaliza nafatin bee bá natar sira
Tuir ministru katak Irrigasaun Maliana I ne’ebé agora funsiona, mezmu problema ituan iha Akidak, maibé Ministériu tau ona ba konsiderasaun jodí hadia. Iha mós irrigasaun Bebui, irrigasaun Raibere, irrigasaun Webaban,irrigasaun Darisula, irrigasaun Daradau no irrigasaun Tono.
“Irrigasaun sira ne’e funsiona ho di’ak. Agora dadaun ita halo hela jestaun hodí fornese bee bá natar sira ne’e” tenik Ministru Nune’e mós iha irrigasaun lima(5) mak on going mak irrigasaun Galata no Laivai. Irrigasaun Galata ho Laivai ne’e bele dehan komesa iha 2022. Bainhira Governu ne’e tama, projetu rua ne’e ida-idak foin atinje 10% iha irrigasaun Laivai laiha problema, povu apoiu tomak maibé irrigasaun Galata mak iha problema sosiál ho komunidade sira iha ne’ebá. Govenu anterior halo enkontru ho komunidade sira kuaze dala 10 maibé laiha solusaun.
“Depois Nonu Governu tama mak hahú iha loron 01 Agostu 2023 ministru ho Administradór Munisípiu bá ko’alia ho komunidade sira ikus mai hetan solusaun ho Nune’e maka konstrusaun irrigasaun Galata ne’e iba kedan 01 Agostu 2023 komesa hahú konstrusaun No agora irrigasaun rua ne’e konklui hotu ona 100% Ho Nune’e ita se’i haree tempu atu inaugura irrigasaun rua ne’e”.
Nune’e irrigasaun ne’ebé komesa la’o ka konstroi daudaun mak irrigasaun Maliana II ne’ebé iha ona 25%, Irrigasaun Modobuti-Uatuwa-Baucau mós la’o hela, irrigasaun Irabere mós Kompañia sira halo hela preparasaun atu halo konstrusaun. Iha tan irrigasaun neen (6) mak sei iha hela prosesu nia laran mak irrigasaun Maukola-Cavalima ne’ebé asina ona kontratu ho kompañia. Irrigasaun ne’e se’i kobre área Maukola rasik no Kulu-oan ne’ebé sei kobre área ektares 3500-resin, Irrigasaun SAHEN mós asina ona kontratu ho Kompañia, irrigasaun ne’e se’i kobre área ektares 700, no irrigasaun Karau ulun ne’ebé uluk halo ona reabelitasaun, maibé tanba mota iha área ne’e boot liu, entaun sobu tiha irrigasaun ne’e hodi fó impaktu bá rai potensia kuaze ektare 1.000 mak la funsiona.
Maibé agora Iha ona prosesu aprovizionamentu nia laran. Tuir mai irrigasaun Fatumeta-Vemase no irrigasaun Mota Laklo mós iha prosesu tenderizasaun. Irrigasaun sira ne’e Governu halo atu eleva hodí fornese bee bá natar sira “Ida fali mak ita presiza haree bá longu prazu mak presiza iha DAM ka Barazen. Iha 2015 iha estudu bá mota 15 iha teritóriu Timor lara tomak. Huso estudu ne’e define mota tolu (3) de’it mak iha fisibilidade atu bele konstroi DAM mak mota Laklo, mota Sui Same no mota Belulik- Ainaro. Agora dadaun halo hela fisiblitas study”.
Governante ne’e haktuir katak prosesu tenderizasaun bá fatin rua (2) mak mota Sui no mota Belulik. Husi Mota Laklo nian Ministériu ko’alia ona ho Governu Xina, sira haruka ona tékniku sira mai haree. Sira halo daudaun estudu no aban bainrua sira bele ajuda. Portantu ida ne’e mak Governu halo atu fornese bee bá iha natar sira. Presiza hatene katak DAM ne’e multi funsaun laoos de’it bá natar irigasaun no Agrikultura maibé sei fornese mós bá peska Aquikultura no turizmu. Ida ne’e mak infraestrutura báziku ne’e halo. MAPPF mós halo esforsu Ida hodi moderniza sistema agrikultura liu husi apoiu bá agrikultór sira ho mákina modernu sira. “Uluk liu Ita komesa fonfornesimentu hand traktór, traktór maibé ho Governu ida ne’e ita komesa ona tama iha fornesimentu. Mákina sira ne’e bele ajuda hodí redúz todan ne’ebé ita nia agrikultór sira infrenta. Tanba ita hatene servisu iha área ida ne’e todan, tanba ita tenke tama iha tahu laran tenke habai iha loro laran tanba ne’e maka agora ita komesa fó ona mákina koa hare, mákina kuda hare no dulas hare hodi hakmaan todan ne’ebé ita nia agrikultór sira hasoru”. Apoiu mákina sira ne’ebé Governu fornese bá agrikultór sira iba Munisípiu hitu (7) ne’e, liu husi projetu SAPIP ne’ebé hetan apoiu fundus husi Banku Mundiál. Maibé Ministériu mós tau osan husi orsamentu Estadu nian hodí sosa mós mákina sira hodi fó bá komunidade Agrikultór sira ita munisípiu seluk. Alende ne’e Governu mós fó apoiu bá agrikultór sira ho fini alta produtividade. Hudi apoiu fasilidade sira ne’ek govenu apoiu bá riman ida ne’ek komunidade Agrikultór sira konsege prodúz hare Ho kuantidade ne’é di’ak.
“Dadúz produsaun hare bá tinan ida ne’e iha toneladas rihun 150 bainhira konverte bá fós iha tonelada rihun 94. Ami koordena ona Liu huso lideransa Vice Primeiru Ministru, Ministru Koordenadór Asuntu Ekonómiku nian ne’ebé tutela na CLN Kona ba programa povu kuda Governu Sosa ne’e mak CLN sosa hela iba komunidade Agrikultór sira. Maibé Ita Ita Nia agrikultór balun Mak sira iha inisiativa rasik la fan bá CLN maibé sira fan rasik ba loza sira”.
Enkuantu husi parte Kafe Nian Ministru konsidera úniku produtu ne’ebé bele exporta bá rai liur Mak kafé. Dadúz produsaun kafe ne’ebé iha totál iha tonelada rihun 10 de’it. Ne’é tanba ninia produtividade ne’e 250 kilogramos pur ektares de’it. Maibé hakarak informa katak Ministériu Agrikultura hahú ona programa reabelitasaun sira. Tanba Kafe ne’e fahe bá parte rua. Kafé komunidade no kafé sosiedade ka estadu. Total kafé sira hamutuk rihun 59 ektare maibé kafé sira ne’e kuaze idade liu ona tinan 60 tanba ne’e mak liu husi programa CALIP nian hodi halo fali reabelitasaun bá kafé sira ne’e bele ajuda atu fó Fali produsaun di’ak bá kafé sira. Nia esklarese katak projetu CALIP ne’e hetan apoiu fundus husi ADB. Projetu ne’e ninia modelu di’ak tanba orgániku ne’ebé bele expande tan bá Munisípiu seluk modelu ne’e iha kombinasaun entre ai-mahun ka ai-hun boot depois kafé iha klaran, iha kafé okos kuda tan ho ai-han seluk ne’ebé bele kolleta tinan-tinan hanesan talas fehuk no ai-farina ne’e mak hanaran agroforestri. Ami se’i servisu hamutuk ho lideransa vice Primeiru Ministru, Ministru koordenadór Asuntu ekonómiku nian atu haree oinsá mak bele sertifika produtu liu-liu kafé bele hetan folin di’ak iha merkadu.
Alende ne’e kona-bá setór Pekuária nian, Ministru konseidera iha problema. Maibé daudaun ne’e Ministériu sosa daudaun karau vaka sira hodí fahe bá grupu sira. Ministériu mós konseidera problema mal nutrisaun tanba ne’e maka iha ona programa hakiak karau metan ka karau Timor susuben. Dadaun ne’e governu Sosa ona karau hamutuk 500-resin hodi distribuí bá sentru hakiak karau iha fatin lima (5) iha Maliana, Natarbora Same-Dotik, Viqueque-Ratahu no Lospalos-Pato. Sentru lima ne’e hanesan ezemplu ida atu oinsá bele dezenvolve ho didi’ak hodí bele prodúz karau Timor susuben.
Ami bá ko’alia ona ho sentru Dezenvolvimentu Karabau iha Filipina, Ami ko’alia ona ho sira, depois ita tama ASEAN, ita sei asina MoU ida ho sira atu sira bele ajuda ita iha asistente tékniku, kona-bá oinsá mak bele prodúz karau Timor susuben iba ita nia rain”.
Nune’e mós Iha programa vasinasaun animál. Programa ne’e la’o di’ak tebes ne’ebé halo ona bá asu, busa no Lekirauk hamutuk rihun 70-resin Mak hetan ona vasinasaun bá moras Raiva. Ai-moruk sira ne’e hetan apoiu husi governu Austrália hamutuk rihun 200 doze. Agora parte Peska nia.
Ministru konsidera iha preokupasaun barak. Ida mak to’o agora seidauk explora tasi timor. Maibé atu informa katak buat ne’ebé sira halo daudaun mak oinsá bele fasilita, kapasita no apoiu nafatin peskadór ki’ik sira liu husi distribuisaun ró. Iha 2023 Governu apoiu ona ró ho mákina hamutuk 110 unidade, 2024 apoiu tan ró 150 unidade agora husi enkuantu husi área aquikultura nian kontinua la’o nafatin. Area aquikultura nian, Ministériu hetan apoiu husi Nova zelandia fó fundus bá ajénsia world fish hodi servisu hamutuk ho Sekretáriu Estadu Peska. konsege estabelese ona viveirus ikan iha Klakuk no iha Hera programa ida ne’e atu reforsa setór privadu sira hodi bele involve iha dezenvolvimentu setór peska nian.
Iha Área Floresta Ministériu liu husi sekretáriu Estadu Floresta halo ona programa reflorestasaun atu Nune’e bele proteze Rekursu Floresta. Programa reflorestasaun nian, Ministériu iha sentru viveiru ai-oan iha maubara, sentru viveiru sentrál Maubara ne’e konstroi iha IV Govenu nia tempu. depois ida ne’e abandona de’it. Enkuantu iha fali mandatu Governu ida ne’e nian mak hadi’a fali inklui halo moru. Agora funsiona ho di’ak no ai-oan sira ne’é Mak distribu ona ba fatin sira seluk. Nune’e setór Floresta liu husi programa AFoCO realiza mós reflorestasaun iha Balak Manatutu atu Nune’e bele proteze foho iha área refere la belenhetan inundadaun.
Program reflorestasaun mós tau prioridade iha Jako liu husi projetu Desalinijasaun ne’ebé transforma tasi been sai bee moos. Tanba iha Illa Jako ne’e iha biodiversidade barak.
Maske projetu ne’ek ki’ik maibé ninia benefísiu boot. Ho nune’e maka Ministru Marcos hateten ba deputadu sira katak Ita tama ona ASEAN no OMK buat ne’ebé presiza atu promove maka dezenvolvimentu Agrikultura orgániku Timor-Leste labele kompete ho kuantidade produsaun. Maibé TL bele halo kompetisaun liu-husi kualidade ai-han. Tanba ne’e mak presiza ema hotu nia kolaborasaun no partisipasaun hodí bele hasa’e produsaun ida kualidade iha Timor.
Média Gab MAPPF
