Tuir porta voz PNTL João dos Reis Belo hateten servisu emigrasaun assegura sidadaun na’in ne’en iha aeroportu Nikolau, tanba la iha tiket no viza atu sai ba nasaun seluk, no entrega kedas sidadaun na’in ne’e ba iha departamentu investigasaun krimal hodi halo identifikasaun.
“Horiseik loron 8 fulan janeiru ita asegura sidadun timor oan na’in-neen iha aeroportu internasional Nikolau Lobato tamba iha indikasaun forte bele sai vitima ba trafiku humanu, depois servisu imigrasaun detekta sira nia dokumentus liliu tiket atu fila la iha viza atu tama ba nasaun Cambodia la iha nune’e servisu emigrasaun entrega sira na’in ne’en ba iha departamentu hodi halo identifikasaun mais ou menus sira atu ba ne’ebé no se mak fasilita sira, husi identifikasaun ne’ebé mak ami halo katak sira ne’e vitima ba trafiku humanu tanba ema rekruta sira liu hosi online, komapnha naran multigame ne’e nain ema Brasil, bainhira sira halo videocall ho nia ema rasik nunka hatudu oin ba sira, kompanha nain oin la sai iha videocall, sira nain ne’en ne’e atu ba servisu iha casinho iha Cambodia”. Dehan Porta voz iha salaun konferensia kuartel jeral PNTL
Porta voz agresenta liu tan katak PNTL sei assegura sidadaun sira atu nune’e labele sai vitima ba kazu trafiku humanu no kazu sei lori ba registu iha MInisteriu Publiku, karik iha Timor oan balun mak envolve ne’e polisia sei buka tuir hodi kaer.
“Husi esperensia ne’ebé mak ita iha ba maluk sira ne’ebé mak servisu iha malasia “modu” hanesan vitima ba trafiku humanu, komapanha sira rekruta liuhosi online depois fasilita dokumentus sira komapnha mak fasilita to’o ikus ita nia maluk sira sai vitima.tanba ne’e polisia nasional timor-leste tenki asegura no proteje ita nia sidadaun sira labele vitima nafatin ba trafiku humanu hodi nune’e halo identifikasaun depois karik envolvimentu maluk timoroan balun ka lori sira ita sei bolu halo investigasaun no kazu ne’e sei lori ba regista ha Ministeriu Publiku, husi identifikasaun katak sidadaun na’in ne’en atu ba nasaun Cambodia maibé rekrutamentu la liuhosi prosesu legais primeiru ita nia Governo SEFOPE lahatene depois kompanha ne’e la registu iha Timor ema halo rekrutamentu mos la iha Timor nune’e ita konsidera suspeitu makas ba iha trafiku humanu”. Tenik João dos Reis Belo
Sira hotu aplay liu hosi online tuir deklarasaun katak sira nia maluk balun ba ona Cambodia maibe hanesan ita detekta, husi sira maibe hanesan PNTL tenki assegura sidadaun labele sai vitima ba trafiku humanu, Polisia nasional timor-leste sei servisu ho INTERPOL hodi kaptura sira ne’ebé mak envolve iha kasu ne’e atu Timoroan mos sei kaptura setranjeiru mos sei kaptura hotu.
Jornalista : Leo Alves
Editor : Luhamutu
