26.2 C
Dili
Thursday, 20 June 2024
spot_img

SEFOPE HALA’O KOMUNIKADU IMPRENSA

DILI 08 DE JANEIRU 2024 (RCC) SEKRETÁRIU ESTADU FORMASAUN PROFISIONÁL NO EMPREGU, LIUHOSI DIRETÓR JERÁL SEFOPE, CARLITO ROSÁRIO CABRAL, AKOMPAÑA HUSI DIRETÓR JERÁL SERVISUS KORPORATIVUS, NELSON SOARES CARVALHO, DIRETÓR NASIONÁL EMPREGU ESTRANJEIRU, JOÂO CORREIA PEREIRA, HATO’O DEKLARASAUN OFISIÁL BA PROSESU VAGA ONLINE BA MUNISIPIU 13 INKLUI RAEOA, IHA SALAUN MAGNA SEFOPE, CAICOLI DILI.

Iha komunikadu imprensa ne’ebé hato’o husi Diretór Jeral SEFOPE Carlito Rosário Cabral hatete iha biban ida ne’e IX Governu Konstituisionál liuhusi Sekretariu Estadu Formasaun Profisionál no Empregu (SEFOPE), hakarak fó-sai ba públiku kona-ba prosesu Vaga Online ne’ebé SEFOPE publika iha Loron 14, fulan-Dezembru, tinan 2023, ho totál númeru kandidatus 50.578 ne’ebé kompustu husi mane na’in 31.264, no feto na’in 19.314

Nia hatutan atu kontinua nia prosesu ba oin, SEFOPE iha faze preparasaun atu halo teste eskrita no Entrevista ne’ebé sei realiza iha fulan-Fevereiru ka Marsu nia laran no prosesu hotu-hotu SEFOPE mak halo.

“Nune’e ami husu ba Kandidatus sira ne’ebé naran iha lista no ba publiku atu la bele monu ba lasu sira ne’ebé ema individu ka grupu balun hodi halo kobransa Ilegál (pungutan Ilegal) ba ita-boot sira promete dehan la liu husi prosesu balun, Ita-boot sira ba ona servisu iha rai liur, ne’e la loos”.

Nonu Governu konstituisionál liu husi SEFOPE, to’o agora seidauk fó lisensa ba individu, grupu ka ajênsia ruma atu halo prosesu rekrutamentu ba servisu iha rai-li’ur. Prosesu hotu SEFOPE mak halo ho gratuita hodi fasilita ita-nia maluk sira ba servisu iha rai-li’ur, hodi hadi’a sira-nia ekonomia familia no nasaun.

 Husu ba vitima sira ne’ebé iha Evidensia bele aprezenta mai SEFOPE, PCIC no PNTL, atu halo prosesu ba aktus husi individu ou grupu sira ne’ebé halo kobransa ilegal ba ita-boot sira. Mak ne’e deit informasaun ne’ebé ami fó sai ba públiku, husu ba ita hotu atu kolabora malu hodi evita hahalok ilegal sira ne’ebé halo fali kobransa ilegal ba sidadaun sira.

Dala ida tan hato’o ba publiku katak naran sira ne’ebé taka sai ne’e la’os ema ida ka grupu ida ninia ajuda, maibé vaga online ne’e ba duni sira ne’ebé aplika duni liu husi sistema online. Lalika fiar individu ka grupu balun ne’ebé koko atu fahe informasain falsu ho hahalok kobransa ilegal ba ita-boot sira, liu-liu ba iha munisipiu Aileu, Ermera Bobonaru no Dili no seluk tan.

Jornakista  : Mika Silva

Editor : Luhamutu

Related Articles

- Advertisement -spot_img

Latest Articles

ARKIVU.
RCC.