Dili 11 Janeiro 2024 (RCC)- Sefe suku Comoro kontinua servisu hamutuk ho komunidade sira hodi hado’ok populasaun husi fatin ne’ebe la seguru iha tempu udan
Iha entrevista ho Xefe Suku Comoro hateten autoriedade lokal ne’e ba kedas iha fatin sira ne’ebé mak risku hodi fo avisu ba komunidade atu hado’ok a’an husi mota ibun no buka fatin seguru hodi evakua sira
“Tuir ha’u nia haree horiseik udan bo’ot iha tuku rua, entaun ami sai enkontru ha’u ba liu kedas iha area mota ibun hodi fó hatene ba komunidade sira katak atensaun ba imi nia oan sira labele hamrik iha mota ibun depois mota tun makas tenki evakua ona labarik sira ba iha fatin ne’eb’e mak seguru, depois hakat liu ba iha aldeia moris foun tanba sira telephone hodi haree iha rai loron be’e tun makas haesan mota lori rai tama komunidade sira nia uma, iha kalan konsege ba haree duni komunidade sira ne’ebé mak be’e tama uma, hodi ko’alia kona-ba atu bolu ba institute gestaun ekipamentus atu hasa’i rai ne’ebé mak nakonu iha Estrada laran, depois hakat liu ba iha aldeia 4 setembru rai husi foho leten tun hotu mai iha Estrada laran ha’u hanoin ida ne’e, iha aledia Golgota mak ha’u la konsege ba haree baleta ne’ebé mak tersumbat ho lixu ne’ebé mak nakonu halo be’e liu la di’ak”. Dehan xefe suku Comoro iha kna’ar fatin Comoro
Autoridade lokal ne’e husu ba komunidade atu kolabora atu nune’e bele halo limpeza no labele soe foer arbiru, to’o oras ne’e xefe suku komoro seidauk simu informasaun husi xefe aldeia katak komunidade sira iha inundasaun be’e sobu uma makas, maske autoriedade lokal observa tama sai aldeia mais la iha estragus ba komunidade sira nia hela fatin, maske be’e tama duni maibe normal.
“Ita so bele haree de’it oinsa mak atu resolve ne’e komunidade sira tenki kolabora hamutuk atu halo limpeza atu hasai foer sira ne’ebé mak baleta husu atu tau konsiensia labele soe lixu arbiru iha tempu udan ita soe foer arbiru mak be’e mai la halai tuir nia dalan, hodi halibur foer sira iha baleta kuak hodi hamosu inundasaun, to’o agora xefe aldeia sira seidauk hato’o katak komunidade sira evakua ba fatin ida ne’e ida ne’eba, husu informasaun iha grupu whatsapp maibé seidauk iha informasaun, kona- ba rai halai komunidade mak telephone, observa lokraik to’o kalan uma estragus a’at liu la iha, be’e tama uma iha maibé komunidade sira hasai tiha fali rai sira nakonu iha Estrada sei presiza esvator hodi hasai problema ba ita mak ne’e ita hasai hotu mos rai nafatin tun tanba komunidade sira hela foho lolon tesi ai arbiru tanba ai abut la iha ai mate ona ikus be’e ke’e rai halai tun mai estrada” Tenik NIA
Nune’e mos komunidade hela iha mota ibun Eufragia Da Conceição Verdial hateten tauk no triste bainhira udan tanba uma ne’ebé mak sira hela ba besik mota ibun hanesan baireira ba be’e konsege tama uma maibé la estragus sasan ruma tanba sira salva, Komunidade ne’e husu ba governu atu tau netik matan ba sira ne’ebé mak hela besik mota.
Senti triste tanba ami estudante feto mak hela iha uma maske sasan hanesan dokumentus sira ami konsegue salva duni maibe triste bainhira udan ne’e ami la toba tauk mota sobu ami nia uma sasan sira Hanesan horiseik ita hare’e kuaze iha Timor laran akontese udan bo’ot makas, ami nia preokupasaun mak husu ba estadu karik tau netik bronjon ruma atu satan netik be’e atu nune’e akontese udan karik mota labele sobu uma no sasan labele hetan estragus. Dehan Komunidade Eufragia
Jornalista : Leo Alves
Editor : Luhamutu
