Dili 11 Janeiro 2024 (RCC)- Ministro Juventude Desporto Arte No Kultura Fo Tomada pose Ba Kargu Sefia Sira atu bele halo mundasa ba servisu ministeriu nian.
Iha sorumutu ministro juventude desporto arte no kultura Nelyo Izac Sarmento hateten Aktu tomada posse ba ministeriu joventude desportu kultura liliu diresaun jeral desportu nian, nu’udar primeira vez akontese tamba transforma sekretariu estadu iha governasaun hirak liu ba tamba ne’e funsionariu hotu-hotu iha ministeriu ida ne’e.
“oinsa ita atu melhora iha ita nia area professional servisu, ha’u mos hakarak dehan aktu ne’e atu indika ema sira ba iha kargu xefia troka ema, hasai ema bu’at sira ne’e nu’udar organizasaun públiku sira nian objetivu atu hasa’e kapasidade instituisaun iha forma hotu-hotu, no hanorin formasaun ba kakeira funsionariu publiku tamba ne’e ema hotu tau matan ba aktu laos ministeriu de’it mak tau matan, laos interese ba de’it ba kargu xefia sira ne’ebé mak tau fiar, maibe aktu sira ne’e hotu nu’udar atensaun no hadia ministeriu hodi aumenta nia produtividade ba iha atendimentu publiku hodi fo prioriedade ba ministeriu ida ne’e”
Ministro juventude desporto arte no kultura mos husu ba kargu sefia sira tenke mantein disiplina no servisu ho responsablidede ba desafio no problema saida de’it maka mai
“Imi tenki hatudu hodi mantein imi nia intenkridade loial disiplina no komitmentu ba hino nasional no servisu responsabilidade imi tenki iha responsavel ba desafius no problema ne’ebé mak mosu mai husi liur, iha koñesimentu hodi halo radiasaun, halo kombinasaun ho servisu hot-hotu, atu utiliza didiak rekursu humanu ne’ebé mak di’ak atu nune’e bele hetan protividade di’ak, no agredese ba presidente funsaun publika ho komiosariu sira hotu tamba liu husi imi nia servisu halo ona mudansa hodi altera dekreitu lei nu 5/2016 kona-ba hili kargu xefia iha adminstrasaun publika hodi fo oportunidade ba funsionariu sira ne’ebé ho grau 5 hodi assume kargu xefia iha future, tamba ne’e ha’u hakarak hateten dala ida tan ba kargu ne’ebé imi simu kontenti maibe bainhira imi produtividade la iha imi sei halo mudansa iha kargu ho altersaun dekreitu lei 5/2016 funsionariu sira ne’ebé mak ho grau5 iha mos oportunidade atu simu kargu xefia tuir ida-idak nia area ne’ebé mak servisu ba” Deklara Ministro juventude desporto
Iha sorin seluk presidente comisario funsaun publiku Agostinho Leteince de Deus hateten, serimonia ida ohin importante tamba iha IX governo mai ho programa foun ida sekretario estadu ne’e nakfila ba iha ministeiro,
“Serimonia ida ohin importante atu garante katak responsabilidade ne’ebe maka sekretario estadu fo mai ita ne’e reponsabiliza ne’ebé la’os fo mai ita pesoal maibe ba ministeiro ninian, serimonia ida ohin mos importante tamba ita bele hare katak VIII governo ba kotuk fatin ida ne’e ita bolu sekretario estadu maibe mai fali iha IX governo mai ho programa foun ida sekretario estadu ne’e nakfila ba iha ministeiro, kuandu nakfila ba ministeiro povu sira sempre ezize buat lubuk ida mai ita povu nia hakarak maka tenke iha administrasaun ida ne’ebé maka garante ita nia kazu sira, maibe resultadu tenke bo’ot tenke iha efisinsia liu-liu ba MJDAC ezize mos ita atu bele kria forsa foun ida ba iha administrasaun futuro, tamba ministeiro ida ne’e maka forma MJDAC”
Nia mos husu ba ministeiro sira ne’ebé asumi ona kargu tenke uza ho responsabilidade masimu atu nune’ebe bele kria fali hanoin foun ba future timor- leste
”Ministeiro ida ne’e asumi responsabilidade todan para atu kria fali eroi foun ba futuru timor- leste nian ,tamba future timor-leste depende mos ba juventude sira, tamba ne’e pos ida ohin atu garantia katak servisu ita bo’ot sira nian maske ema tuan maibe mai ho hanoin foun ona ,oinsa maka ita bele prepara juventude ida ba sai eroi iha desenvolvimento. eroi ba administrasaun publika ,sai eroi prestasun ba iha komunidade sira , tamba ne’e hili nafatin ita bo’ot sira atu ba sira ne’ebé maka ohin tomada posse tenke mai ho mudansa mos mai ho hanoin foun mai ho kriatividade arte kultura iha servisu ida importante oinsa mak lori ema hotu ba iha hanoin ne’ebé maka kreativu .tamba ne’e fiar katak tomada de posse ida ohin sei ajuda duni sekretario estado bele mai ho hanoin foun inovasaun no kriatividade iha funsaun publiku nia laran” hakotu komisariu funsaun publiku.
Jornalista: anita vaz
Editor : luhamutu
