Dili 10 Janeiru 2024 (RCC)- Deputadu Oscarlima husu ba sidadaun sira ne’ebé hela iha Dili labele harii uma iha baleta hetan atu nune’e labele afeta ba inundasaun
Iha intervista ho Deputado Oscarlima husu ba governu atu halo mós prevensaun no fó hanoin ruma ba konstrusaun sira ne’ebé iha Dili laran ho lais .
” Buat inundasaun kona-ba udan ne’e hanesan natureza ita labele dehan buat ne’e hanesan kado ka saida, maibé kuandu udan ne’e ita mós tenke iha prevensaun, tamba ida ne’e ita mós husu ba governu halo mós prevensaun ruma atu nene’e fo hanoin ba ita katak konstrusaun sira ne’e ita tenke atensaun tebes prinsipál rehablitasaun ki’ikoan sira iha Dili ne’e sira bele haree tanba iha Dili ne’e inundasaun kuaze iha fatin barak tebes se bele buka para halo rehablitasaun ho lalais”
Iha sorin seluk nia mós husu ba sidadaun sira ne’ebé hela iha Dili tenke halo kontribuisaun ba ita nia rain atu soe lixu iha lixu fatin. Hatutan husi oscarlima
“Ko’alia mós kona-ba lixu ita labele haluha katak ita ne’ebé hela iha Dili atu fo ita nia kontribuisaun se ita la fó kontribuisaun ita nunka mais atu rezolve problema inundasau ida fali mós governu tenke iha polítika ida hodi haree kona-ba ema ne’ebé maka halo uma iha baleta nia leten,baleta, halo tiha uma depois foer ne’e sira tun fali ba kraik entaun baleta sira ne’e la utiliza be’e sira ne’e la halai tuir nia dalan kuandu la halai avontade entaun estraga ita nia baleta sira ne’e, inundasaun ne’e hakarak ka lakohi tenke iha tamba ita nia kontrola ba iha baleta sira ne’e mak insufisiente, tamba ne’e husu ba ministero sira atu tau atensau ba ida ne’e, ema ida ne’ebé mak halo uma iha baleta Leten ne’e lalos ne’e katak sira kontra regras ne’ebé mak iha Inundasaun ne’e akontese tiha mak ita fo sala fali ba governu maibé buat sira ne’e mai husi ita komunidade ne’ebé soe foer arbiru” nia hakotu
Jornalista : Anita vaz
Editor : luhamutu
