Dili 15 Janeiru 2024 (RCC) Autoriedade Protesaun Civil Halo Komunikadu Imprensa Hodi Partilla Informasaun Ba Públiku Relasiona Ho Akontesimentu Ne’ebé iha teritoriu Timor leste.
Tuir Diretor Relasaun Exterior Komunikasaun Cesário Da Silva Marques hateten durante iha semana ida autoriedade protesaun sivil registu dezastre ne’ebé mak akontese ba uma kain 432 no iha ema rua mak lakon vida, nain ualu kanek, no tipu dezastre ne’ebé mak aas mak inundasaun.
“Atualiza dadus semana ida hahu husi loron 9 to’o 15 janeiru tinan 2024 iha akontesimentu dezastre durante semana ida autoriedade protesaun civil rejístu uma kain hamutuk 432 xefe familia ne’ebe afetadu husi udan bo’ot no anin iha munispiu sanulu resin ida mak hanesan, Ainaro be’e estragus uma kain ida, ema na’in ualu kanek no mate nain ida, Atauro anin sobu uma kain ida, Bobonaru anin sobu uma kain hitu, Covalima anin sobu uma ida, inundasaun estragus uma kain haat, Dili ahi han uma ida inunsaun be’e estragus uma kain 386, Ermera anin sobu uma ida inundasaun uma kain rua ema ida lakon vida tamba mota lori, liquica anin sobu uma kain ha’at inundasaun be’e estrgaus uma kain sanulu resin hitu, Manatuto anin sobu uma ida, Manufahi anin sobu uma ida, RAEOA ahi uma ida Viqueque anin sobu uma kain ha’at, durante semana ida ne’e inundasaun mak dadus a’as 410, anin sobu uma hamutuk 20 ahi han uma rua ema kanek ema na’in ualu rua mak lakon vida”. Dehan Diretor
Diretor ne’e agresenta liu tan katak Autoriedade Protesaun Civil halo ona apoiu emerjensia ba vitima sira iha munisipiu sanulu iha munispiu Dili mak seidauk tamba sei rekolla hela dadus, Ekipa Bombeiros mos sei halo servisu hodi tesi ai no hamos tahu sira ne’ebé mak iha komunidade sira nia uma.
“Apoiu emerjensia komandu autoriedade protesaun civil ho parjeiru sira apoiu ona emerjensia ba vitima sira iha munisipiu sanulu ida ba munisipiu dili seidauk apoiu emerjensia tamba ekipa apc sei haree dadus final hodi respota emerjensia ba vitima inundasaun tamba inundasaun ne’ebé mak akontese iha Dili vitima sira hamutuk 386 mak afetadu, oras ne’e sei rekolla hela dadus nune’e mos iha diresaun bombeiros iha servisu ida sei ba to’o iha munisipiu hodi tesi ai ne’ebé mak taka Estrada publiku no fo ameasa ba populasaun sira nia uma oinsa bele transporte privadu ho publiku halo movimentasaunn, nune’e mos korpu bombeiros fase mos komunidade sira nia uma ne’ebé mak hetan inundasaun estragus iha semana ida liu ba, no kontinua hamos Estrada publiku ne’ebé mak nakonu ho tahu”. Hakotu Cesário
Jornalista : Leo Alves
Editor : Luhamutu.
