26.2 C
Dili
Thursday, 20 June 2024
spot_img

FAILLA KONTROLU VIRUS HIV-SIDA SA’E MAKA’AS IHA TIMOR LESTE 

 DILI 17 janeiru 2024 (RCC)- Instituto Nacinál  Kombate HIV- SIDA ,IP Realiza Atividade Kampaiña Sensebelizasaun Informasaun HIV-SIDA Ba Estudante Eskola Tekniku Informatika (ETI)  Dili.

Iha intervista presidente INC-SIDA Daniel Marçal hateten nia fo agradesemento ba director ETI ne’ebé prekupa tebes ba estudante sira hodi hadok a’an husi risku virus HIV-SIDA ba estudante sira  

“Primeiro agradese ba eskola eskola tikniku informatika (ETI) DILI  ne’ebé prekupa tebes ba labarik sira,  ita hanoin dehan virus HIV ne’e buka de’it ema bo’ot afinal hare ba dadus 15 anos to’o 24 anos 25 to’o 44 ne’e maka kazu barak liu ohin sira iha eskola ne’e ho idade ne’ebé 15 anos ba leten barak los mak moris risku liu tamba sira la iha koñesementu la iha informasaun klaru ba sira nia moris sira barak mak husi foho mai iha dili se sira la iha informasaun sira la iha  koñesementu ho di’ak labarik sira hanesan ne’ene  buka atu koko no  hatene, tamba ne’e mak  ohin kordenasaun ho HIV-SIDA ho eskola autoriza labarik sira ne’ebé atu mai tuir eskola ohin sira mai rona orientasaun no ami fahe informasaun fo hanoin ba sira kona-ba HIV-SIDA ne’e da’it halo nusa prevene atu nune’e  susesu iha aban bainrua “

Nia mos informa kazu virus HIV-SIDA  da’it barak liu ba estudante sira husi Pre- Sekundariu ho Sekundariu tamba sira la asesu ba informasaun no sira moris hela iha risku nia laran. 

“Tuir dados ne’ebé maka hetan iha setembro 2022 ba kotuk kazu barak liu ne’e maka iha Dili rihun ida resin tuir Bobonaru atus ida resin tuir suai tuir Oe-Cusse tuir tan Baucau munisipiu hotu-hotu iha hotu ona kazu ida ne’e agora ne’e da’it maka’as liu husi labaraik sira husi idade sira ne’ebé maka ita hare sei Pre-Sekundaria no Sekundaria sira ne’e maka risku tamba sira la hatene informasaun moris hela iha situasaun ne’ebé maka risku maka’as los,  brani halo ida, foti sala desijaun afeta virus HIV-SIDA “hateten  presidente INC-SIDA

Nia mos fo hela mensagem ba komunidade sira atu prevene a’an no tenke asesu ba informasaun atu nune’e labele hetan virus HIV-SIDA

“Prevene  maka hanesan, fo nafatin informasaun no mensagem edukativu atu labele baruk,  husi parte autoridade kopera ho ema hotu, no mos parte relijiaun kopera para atu buka dalan informasaun saida mak di’ak liu husi eskola ka joven sira, universidade,  inan aman sira, komunidade sira hotu  no joven sira ne’ebé oras ne’e la eskola la iha servisu problema barak tamba hanoin barak fasil ba sira atu monu ba risku sira, tamba ne’e estadu fo fiar ba sira kopera ho entidade hotu-hotu para ita hotu hamutuk atu proteze ita nia ema, proteje ita nia nasaun ne’e lori ita nia joven sira ba susesu informasaun,  lae agora ita hare labarik eskola barak kaben lalais. “lamenta husi” presidente INC-SIDA

Iha sorin seluk  director ETI Dili  João Gaio hateten ETI-Dili,  hateten iha eskola teknika informatika dili seidauk detekta no seidauk identifika  kazu virus HIV-SIDA

Ami iha ne’e seidauk rezista kona-ba kazu ida ne’e sidauk iha instituisaun parte relevante atu mai halo identifikasaun ruma ne’e ami seidauk iha dadus ida ne’e ami husi eskola rasik mos seidauk rezista no detekta kazu HIV-SIDA  iha eskola ne’e “ hakotu Diretor eskola.

Jornalista : Anita Vaz

Editor : Luhamutu

Related Articles

- Advertisement -spot_img

Latest Articles

ARKIVU.
RCC.