25.7 C
Dili
Thursday, 20 June 2024
spot_img

SEKRETÁRIU ESTADO IGUALIDADE JÉNERU APRESIA HO SERVISU REDE FETO NIAN IHA TIMOR-LESTE

Dili 17 Janeiru 2024 (RCC)-Rede feto Timor-Leste hala’o Asembleia Membru Anuál tinan 2023 nian hodi aprezenta relatóriu programa, no simu membru foun.

Iha intervista hateten Prezidente konsellu Diretorial Rede Feto Timor-Leste Zélia Fernandez hateten asembleia anual ne’e realiza kada tinan iha fulan ikus.

“Asembleia Membru Annual ne’e hanesan Asembleia Anuál hala’o kada tinan iha fulan ikus, maibé iha tinan kotuk ami la konsege hala’o Asembleia Membru Anuál, tanba preokupasaun ne’ebé membru balun tenke kompleta ninia programa sira no relatóriu tinan ikus nian, entaun hotu-hotu konkorda atu muda mai iha tinan 2024,”.

Nia hatutan Rede feto Timór-Leste hanesan organizasaun Sombriña,  ne’ebé halibur no hamahan organizasaun hamutuk 40,  iha vizaun no Misaun hanesan ba feto nia interese.

“Rede feto Timór-Leste hanesan organizasaun Sombraña,  ne’ebé halibur no hamahan organizasaun hamutuk 40, mai husi Feto partidu polítika, instituisaun relijioza, Asosiasaun Profisionais, asosiasaun emprezariál no Organizasaun no fundasaun  ne’ebé iha vizaun no Misaun atu serbí ba feto nia interese, ne’ebé serbisu promove igualdade no asegura feto iha prosesu Dezenvolvimentu Nasionál,” nia haktuir.

Iha fatin hanesan Sekretáriu estadu igualdade Jéneru, Elvina Souza Carvalho, akresenta liu tan katak, Rede feto ho SEIJ hanesan parseiru servisu ida ne’ebé di’ak tebe-tebes no nia mós agradese ba Rede Feto Timor Leste, tanba durante ne’e asegura ona feto iha timor-Leste.

“SEIJ ohin hetan konvite atu mai loke Asembleia Anual husi Rede Feto Timor-Leste, ho SEIJ hanesan parseiru servisu ida ne’ebé di’ak tebetebes, tanba durante ne’e asegura ona feto no mós halo ona promosaun barak ba iha igualdade inkluzaun, sai hanesan kontrolu sosiál ba iha servisu ne’ebe mak  ligadu Direitu feto nian”

Aleinde ne’e Nia mós hatutan SEIJ servisu ho rede feto Timor-Leste la’ós agora maibé kleur ona no mós sempre suporta matéria, no servisu ne’ebé halo iha Timor-Leste.

“SEIJ kooperasaun  ho rede feto Timor-Leste la’ós agora. maibé kleur ona, no liu husi fundus ne’ebé maka ami iha kontinua atribui tuir forsa ne’ebé ami iha atu kontribui ba sira atu halo ho servisu ne’ebé importante, bainhira sira halo karta pedidu parte governu  sempre ajuda sira” hakotu membru Governu

Jornalista : Anita Vaz

Editor : Luhamutu

Related Articles

- Advertisement -spot_img

Latest Articles

ARKIVU.
RCC.