Dili 19 Janeiru 2024 (RCC)- Komisaun Funsaun Públika Hamutuk Ho Konsellu Imprensa Fo Posse Ba Diretór Ezekutivu Ba Mandatu Tinan Rua 2023 To’o 2025.
Tuir Presidente konsellu imprensa Otelio Óte heten konsellu imprensa hanesan orgaun reguladór ba media bainhira publika notisia ruma, konsellu imprensa mos halo asegura ba sidadun hotu-hotu atu hato’o informasaun.
“Parabens ba diretór ezekutivu foun, konsellu imprensa hanesan orgaun regulador, signifika katak nia kompetensia ka poder bo’ot liu organizasaun jornalista sira seluk, konaar mak asegura asesu informasaun asegura liberdade imprensa no espresaun, bainhira ita temi ba liberdade imprensa la lemite de’it ba meus komunikasaun sosial, konsellu imprensa mos asegura sidadun hotu-hotu atu hato’o informasaun no opiniaun, konsellu imprensa laos halo servisu ida ne’ebé mak ki’ik maibé halo servisu ida ne’ebé mak bo’ot, ita senti katak konsellu imprensa laos servisu de’it ba radio, televizaun, jornal no media online laos konsellu imprensa mos luta ba públiku nia hakarak, liuhosi departamentu analiza monitori media halo motorin ba konteudu media sira tamba dever ida husi konsellu imprensa atu asegura saida mak media sira publika ne’e labele halo publiku senti hanesan ofendido”.Dehan Presidente
Presidente husu ba diretor ezekutivu atu servisu labele haree interese privadu maibé interese komun,nomos tenki halo komunikasaun ne’ebé mak di’ak ba parte hotu-hotu atu nune’e bele resolve problema rekursu umanus.
“Durante diretor ezekutivu nia mandatu sei la haree ba interese privadu maibé haree ba interese komun, diretor koko atu asegura informasaun sira ne’ebé mak segredu iha instituisaun ida ne’e labele fó sai ba publiku kona-ba informasaun sira ne’ebé mak la merese atu fo sai fiar katak António Dias lao ema foun knaar mak foun maibé ema ne’ebé mak tuan iha konsellu imprensa espera katak liafuan ne’ebé mak nia uza bainhira simu knaar foun ida ne’e, ita hein iha nia mandatu tinan rua tuir mai lao ho di’ak, ami nia hakarak mak diretor ezekutivu halo monitoriza no supervisiona servisu sira garante katak servisu administrasaun ho finansas lao ho di’ak, hakarak dezenvolve komunikasaun di’ak ho diretor sira seluk , staff sira ho asosiasaun jornalista sira, komisaun funsaun publika no ministeriu finansa atu asegura katak rekursu ne’ebé mak ita iha ne’e halao nia servisu tuir nia dalan,no fiar katak tinan rua nia laran bele resolve problema rekursu unamos ne’ebé mak menus iha konsellu imprensa”. Tenik Nia
Diretor ezekutivu António Dias Agradese ba knaar foun ne’ebé mak hetan hodi halo monitorizasaun ba adminstrasaun no finanseiru ba planu konsellu imprensa nian sira ne’ebé mak trasa ona iha tinan kotuk.
“Atu hateten ba tinan kotuk iha difikuldade , atu selebra susesu sira ne’ebé mak hetan atu hateke oin hodi hasoru sadik, sasadik sira ne’ebé mak mosu mai, ha’u agradese ba knaar foun ida ne’e tuir estatutu konsellu imprensa nian iha lei 25/2015, fo knaar diretor ezekutivu nian mak atu sepurviza diresaun sira ina konsellu imprensa halao servisu administrative no finanseiru hodi halo tuir plano konsellu trasa ba programa no planu anual konsellu nian tamba ne’e prioriedade ha’u atu halo iha mandatu ida ne’e mak fo kontinuidade ba planu estratejiku konsellu imprensa nian, iha prioriedade sira ne’ebé mak atu haree oinsa servisu hamutuk diak liutan iha mandatu ida ne’e atu haree oinsa halo maneija sistematiku atu nune’e hatan ba desafius sira”. Dehan Diretor ezekutivu
Diretor agresenta liutan katak konsellu imprensa sei rona barak liu ba publiku no parjeiru sira no husu ba funsionariu no presidente konsellu imprensa, asesor, diretor sira atu servisu hamutuk hodi fo forma ba konsellu imprensa ida ne’ebé di’ak liutan iha futuru.
“ita hatene servisu konsellu imprensa nian komplikadu liu iha era dijitalizasaun ne’e tamba servisu jornalizmu nian kuaze ema barak mak apresenta aan katak sira mos sira jornalista.Servisu agora ba oin konsellu imprensa mak atu rona barak liu husi publiku rona barak liu husi parseiru sira atu hetan dalan ida ne’ebé mak klaru ba planua ne’ebé mak trasa ona, hodi hasoru planu foun sira iha tinan ida ne’e tamba ne’e knaar bo’ot ida husu partisipasaun parjeiru tomak ninian no kooperasun ho parjeiru sira hotu, membru sesante konsellu imprensa nian atu ita hamutuk oferese bu’at ne’ebé mak adekuadu ba liberdade imprensa no liberdade espresaun ba sudeste asiatiku, agradese e obrigadu ba buat hotu ne’ebé mak imi fo ona mai ha’u ba funsionariu sira hotu presidente , asesor ho ita bo’ot sira nia matenek no esforsu fo forma ba konsellu imprensa mai ita luta hamutuk”. Hakotu Nia
Jornalista : Leo Alves
Editor : Luhamutu
