25.7 C
Dili
Thursday, 20 June 2024
spot_img

KRAM KONTINUA REFISKALIJA BA ESKOLA NO KLUBU ARTE MARSIAIS NIA IHA TERITÓRIU TIMOR LARAN TOMAK

DILI 19 janeiro 2024 (RCC) – Ministério Juventude, Desporto, Arte e Cultura  (MJDAC), liu husi Komisaun Reguladora Arte Marsiál (KRAM), representante komando Geral PNTL no  sekretáriu exekutivu informa ba públiku kona-bá resolusaun lei Nú 45/ 2023 /10 de novembru  kona-bá suspende treinamentu arte marsiais no  refiskalizasaun ba centros, eskola no klubo ne’ebé prátika artes marsiais iha teritório timor laran tomak .

Tuir presidente KRAM Octavio da Conceição objetivu husi refiskalizasaun atu indentifika prosidimentu administrativu hotu-hotu tuir segunda dirativa KRAM nian ne’ebé tau ona iha kritéria sanulu resik ualu, alem de ne’e  atu haree mós artes marsiais ne’eb’e mak la prense kriteriu ne’ebé mak tau ona iha segunda diretiva KRAM.

  “Iha lei No 45/ 2023 /10 de dezembro ne’ebe orienta KRAM atu halo refiskalizasaun ba rantin sira ho objetivu atu indentifika se mak responsavel ba rantin, no atu indentifika treinador ka se mak fo treinu iha fatin pratika ne’e, no se mak hala’o treinamentu ne’e atleta feto nain hira no mane nain hira, no se mak rai nain, fatin treinamentu ne’e merese atu halo treinamentu   ka la’e fatin refere autorisa husi autoridade local ka la’e ne’e mak”

 “ Iha resolusaun ne’e  fó orden servisu ba komisaun reguladoras arte marsiais no komandu jerál PNTL atu halo refiskalizasaun ba sentru eskola no klube sira ne’ebé prátika arte marsiais iha teritório timor laran tomak iha 2022,  komisaun reguladora arte marsiais  hasai segunda diretiva públika ona iha jornal da repúblika, tamba ne’e KRAM  halo refiskalijasaun ba hamutuk ho sub-KRAM sira ho komandu PNTL Munisípiu sira, Komandu F-FDTL destakadu Munisípiu sira no seguransa sira seluk, no fiskalisaun iha Munisípiu 11 remata iha semana kotuk, ohin  no aban sei kontinua refiskalisaun iha RAEOA no Dili”,dehan Octavio.

Iha refiskalijasaun ne’e KRAM identifika rantin sira ne’ebé eziste ba arti marsiais tolu hanesan PSHT, IKS-PTL no KORK ne’e hamutuk atus ida resin iha  eskola ka klubu.

“ Espesifikamente iha Dili iha sentu ital eskola, no klubu sira ne’ebé pratika arte marsiais PHST iha 96 sentru klubu ka rantin iha dili laran, IKS-PTL hamutuk sentu ital klubu iha dili laran no KORK iha 28 klubu iha dili laran, ne’e mak sei fiskalisa husi KRAM servisu hamutuk PNTL Komandu geral PNTL munisipiu Dili, komandu eskuadra ho OPS sira sei halo refiskalisaun iha munisipiu Dili durante semana ida rejolusaun iha 90 dias, hafoin ami sei entrega relatoriu fiskalisaun iha loron 10 ba  sua exelensia Ministro nain Rua  Ministeiro Juventude Desportu Arte Cultura  no Ministeriu Interior hodi apresenta ami nia relatoriu nune’e rekomendasaun sira atu apresenta ba ministru hodi hetan avalisaun no mos desijaun ikus husi ministru”

Alem de ne’e KRAM sei foti asaun rigorosu ba membru arte marsiais ne’ebé públika atributu arte marsiais nian  iha media sociál.

 “KRAM sei foti asaun rigorosu ba membru organisaun arte marsiais sira ne’ebé la kumpri lei No 5/2017, la kumpri segunda diretiva KRAM sei fó  sansaun todan tebes ba sira, KRAM sei hare ema sira ne’ebé hatais farda lao ba lao mai sei multa osan $ 50 dolar to’o $ 200 dolar, no bainhira hatais farda  públikasaun iha media sei hetan sansaun, se mak la iha responsabilidade sei hetan sansaun ida ne’e”

KRAM sei kontinua fó suspensaun ba  sira ne’ebé la prense  kriteriu ne’e, KRAM sei rekomenda ba Governu hodi apresenta ba kosellu ministru hodi hetan apresiasaun desisaun ikus mai no resolusaun ne’e orden estadu regra no motiva ne’ebé ema hotu- hotu tenke halo tuir, membru organisaun arte marsiais sira ne’ebé falta dicsiplina sei kontinua pratika subar, uza farda subar ne’e falta disiplina membru arte marsiais sira ne’e tuir No 5/2017 regula atividade sira hanesan ne’e” nia hakotu.

Jornalista : Anita Vaz

Editor  : Luhamutu

Related Articles

- Advertisement -spot_img

Latest Articles

ARKIVU.
RCC.