DILI 27 JANEIRU 2024 (RCC) INSTITUTE OF BUSINESS (IOB) LOKE TAN FAKULDADE ENJEÑARIA NE’EBÉ DADAUN NE’E SEI IHA REJISTRASAUN BA ETAPA DATOLU NIA.
Iha intervista Senada Jerál IOB Juselina Fatima Guterres hateten tinan ne’e IOB loke tan fakuldade ida maka hanesan enjeñaria no daudaun ne’e IOB iha ona fakuldade hamutuk 4 mak hanesan information Communication and Technology ICT, Enjeñaria, Hotelaria Turizmu no Ekonomia Negósiu.
“ Estudante sira ne’ebé iha inisiativa atu hala’o estudu iha Universidade refere bele mai halo rejistrasaun tamba orientasaun ba estudante sira sei hala’o iha loron 4 fulan Marsu, iha etapa primeiru ami simu estudante na’in hitu no etapa segundu ami simu tan na’in atus ida no daudaun ne’e tama ba etapa datolu ami simu tan ona ema hamutuk na’in atus rua lima nulu resin ida, maibé data ne’ebé atu konklui seidauk, tanba etapa datolu to’o loron 27 Fevereiru estudante ne’ebé daudaun ne’e ami total hamutuk atus tolu lima nulu resin ualun no orientasaun ba estudante foun sira ami sei realiza iha loron ha’at fulan Marsu tinan ne’e tamba ne’e husu ba estudante sira ne’ebé iha inisiativa atu hala’o estudu iha Universidade refere bele mai halo rejistrasaun”, nia informa.
Fakuldade 4 ne’eb’e dadaun ne’e existe iha IOB ho nível Lisensiatura no iha mós bacherlato.
Aleinde ne’e nia hatutan dosente sira ne’ebé hanorin iha IOB maioria Mestradu no sira ne’ebé lisensiatura daudaun ne’e kandidatu hela ba iha Mestradu no dosente ne’ebé hanorin iha IOB husi Dili, Maliana, Baukau hamutuk na’in 255,entre sira doutoramentu timor-oan na’in 5 maka agora hanorin iha IOB ne’e” nia hakotu.
Jornalista: Anita Vaz
Editor: Luhamutu
