25.7 C
Dili
Thursday, 20 June 2024
spot_img

TINAN NE’E DIT  LOKE TAN DEPARTAMENTU FOUN    

DILI 27 JANEIRU 2024 (RCC) TINAN IDA NE’E UNIVERSIDADE DILI INSTITUTE OF TECHNOLOGY LOKE TAN DEPARTAMENTU INGLES IHA FAKULDADE TURIZMU, NO DADAUN NE’E SIMU ESTUDANTE FOUN BESIK RIHUN IDA RESIN.

Iha intervista senadu José do Santos hateten daudaun ne’e DIT iha fakuldade haat no Departamentu hamutuk 11 inklui mós departamentu língua ingles ne’e agora dadauk loke.

“DIT iha fakuldade 4, hanesan, Engineering Since iha departamentu tolu Enjeñaria Sivíl, Enjeñaria computer  no Enjeñaria Mekánika, Fakuldade Enjeñaria Petrolíferu ne’e iha departamentu rua hanesan,   Enjeñaria Petrolíferu ho Jestaun Petrolíferu, Fakuldade Business iha mós departamentu tolu, kontabilidade, manajementu no Jestaun Jerál, no ikus liu maka Fakuldade Turizmu Departamentu TTM, Otél manajementu, no mós  iha Departamentu foun ida foin loke ne’e maka Lingua Ingles,”

Nia hatutan Dosente ne’ebé hanorin iha DIT maioria Mestradu no Doutoramentu de’it, tanba kategoria Lisensiatura seidauk bele sai Dosente Dosente. “Iha DIT ne’e Doutoramentu ho Mestradu de’it ita laiha Lisensiatura, tanba kategoria Lisensiatura seidauk bele sai Dosente, no dosente ne’ebé daudaun ne’e hanorin iha DIT kuaze atus lima,  daudaun ne’e balun sei ba hala’o hela sira nia estudu iha Rai li’ur atu hasa’e tan sira nia koñesimentu” Haktuir nia.

Senadu ne’e salienta tan katak maske aula la’o ona maibé komisaun nafatin fo oportunidade ba  estudante foun atu mai halo rejistrasaun “preparasaun ba iha rejistrasaun ita hahú iha tinan kotuk iha fulan Outubru 2023 to’o agora estudante ne’ebé mai rejistu iha ne’e hamutuk 946 ne’e ita akumuladu husi fulan Outubru to’o ohin loron inklui ona Departamentu 11 fakuldade 4, no iha Marsu ita sei hahú aula maibé sei fó oportunidade ba ema ne’ebé atu mai rejistu, maski iha matéria balun ne’ebé ita hahú la’o ona, loron ne’ebé estudante sira atu tuir orientasaun maka iha 19 Marsu maka hahú orientasaun, DIT prontu ajuda alin sira ne’ebé maka hakarak kontinua iha DIT, ba ita hotu ne’ebé akaba iha sekundáriu ne’e hola parte besik iha departamentu sira ohin sita ne’e karik bele hakbesik mai ita aprende hamutuk,” hateten komisaun Simu estudante foun“. hakotu senadu

Jornalista: Anita vaz

Editor: Luhamutu

Related Articles

- Advertisement -spot_img

Latest Articles

ARKIVU.
RCC.