Dili 30 janeiro 2024 (RCC)- AMN-TL hala’o komunikadu imprensa relasiona ho desisaun ne’ebé foti husi ministra edukasaun ba iha manorin na’in sira ne’ebé dedika sira nia- an durante tinan barak nia laran.
Iha komunikadu imprensa husi portavoz AMN-TL Marcelino da Costa Belo hateten relasiona ho situasaun atual ne’ebé liga ba desizaun ministra edukasaun nia, hodi hapara professores/manorin na’in kontretadu 2023 no hapara professore/manorin na’in Reklamante sem fundamentu ne’ebé justifika fortemente, maka manorin na’in hotu-hotu iha teritorio timor-leste ne’ebé halibur an no hamahan-an iha AMN-TL konsidera desizaun ida ne’e nu’udar forma desmantelamentu ba prinsípius koezaun social ne’ebé nu’udar valores essensiais husi sentidu edukasaun ne’e rasik .
“Ami manorin na’in ne’ebé halibur-an iha AMN-TL mos lamenta ho interpretasaun ba dekreti lei 31/2023 de maio, husi coordenador gabineete juridiku ME, professor doutor Yazalde ne’ebé intrepreta katak ; professores kontratadu 2022 no2023 la’os ministru edukasaun maka hapara maibe sira nia kontratu maka termina tamba la iha ona nesesidade. AMN-TL konsidera, interpretasaun infantil ne’ebé la koñese funsionamentu real durante dekada rua iha ministeiru.”
AMN-TL sujere ba lider nasionál hotu-hotu , ba veteranos sir aba partidu politiku sira atu halo funsionamentu ba sistema edukasaun iha timor-leste ho urzente ka lalais tamba dadaun ne’e setor edukasaun grave no desorganizdu estruturál. AMN-TL dehan setor edukasaun grave ho razaun agora dadaun iha eskola menus tebes manorin na’in sira .hakotu portavoz
Jornalista : Mika silva
Editor : luhamutu
