DILI 29 DE JANEIRU 2024 (RCC) AUTORIDADE PROTESAUN CIVIL REGISTA KAZU DEZASTRE NATURAIS NATURAIS IHA TERRITORIO TIMOR LARAN TOMAK HO TIPU OIN TOLU MAK HANESAN ANIN SOBU UMA, RAI HALAI, NO AHI HAN UMA
Iha komunikadu Xefe Seksaun Externa Autoridade Protesaun Civil Nelson Nunes De Orleans hatete kada segunda ita halo relatorio semenal ba dezastre iha territorio timor tuir akontesimento neÂ’ebe ita regista hahu husi 23 ate 29 maka ita regista kazu dezastre naturais neÂ’ebe ho tipu oin tolu mak hanesan rai halai, anin sobu uma no ahi han uma liuliu ba iha munisipiu sira mak hanesan munisipiu Aileu anin sobu uma anin sobu uma rua (2), munisipiu Ainaro anin sobu uma neen (6), munisipiu Baukau anin sobu uma sanulu (10) ahi han uma rua (2), Munisipiu Bobonaru anin sobu uma sanulu resin rua (12) no rai halai uma hitu (7), Munisipiu Covalima anin sobu uma sia (9) no ahi han uma haat (4), Munisipiu Ermera anin sobu uma sanulu resin hitu (17) no rai halai uma haat (4), Munisipiu Lautem anin sobu uma sia (9), Munisipiu Likisa anin sobu uma tolunulu resin ida (31), Munisipiu Manatutu anin sobu uma haat (4) no ahi han uma rua (2), Munisipiu Manufahi anin sobu uma tolu (3) no ahi han uma ida (1) , nomos RAEOA anin sobu uma hatnulu resin haat (44) no ahi han uma ida (1), Munisipiu Viqueque sanulu resin ida (11) no ahi han uma rua (2).
“Autoridade Protesaun Civil hala’o ona verifikasaun dadus no fo mos apoiu necessidade ba iha vitima sira, total dadus ne’ebe autoridade protesaun civil regista hahu husi dia 1 de janeiro mai to iha dia 29 de janeiru 2024 total uma ne’ebe estragus hamutuk 171 no daudaun ne’e vitrima sira ne’ebe uma hetan estragus daudaun ne’e autoridade protesaun civil sei halo hela verifikasaun ba iha dadus atu hatene uma hudi vitima ida ne’ebe mak at kaman no ita ne’ebe mak at liu.
Xefe seksaun ne’e salienta daudaun ne’e vitima sira ne’e balun hetan ona apoiu emerjensia husi Autoridade Protesaun Civil no vitima balun sei hela ho vizinho sira no daudaun ne’e autoridade protesaun civil verifika hela dadus husi vitima sira hodi bele hare ba sira nia hela fatin ne’ebe hetan estragus husi anin no ahi inklui mos rai halai. Hakotu Nelson
Jornalista : Mika Silva
Editor : Luhamutu
