Dili 26 janeiru 2024 (RCC) – Governu liu husi Sekretario Estadu Formasaun Profisionál e Empregu (SEFOPE) Rogerio Araújo Mendonça hamutuk ho Embaixador Japaun iha Timor Leste no Diretor DNEE Arcénio Pereira da Silva Sesta- feira 26/01 iha salaun SEFOPE Caicoli , halo Despedida ho Traballadór Timor oan nain 7 ne’ebé atu Desloka ba Servisu iha Japaun .
Iha deskursu diretor nasionál empregu exterior (DNEE) Arcénio Pereira da Silva agradese ba Embaixador japaun tamba bele simu tan taraballadór timoroan ba halo servisu iha japaun, tamba ne’e husu ba taraballadór sira atu ba servisu iha japaun la’os servisu de’it maibe ba aprende buat foun balun atu mai dezemvolve ita nia rai doben ida ne’e.
” ita agradese tebes ba nasaun japaun tamba bele simu ita nia jonven sira atu ba buak moris iha iha japaun no aprende mós buat foun iha nasaun refere hodi maibe investe fali iha ita nia rain Timor lesre, tamba ne’e ita prepara ita nia joven sira atu ba servisu maibe bele mos aprende buat foun ruma matenek ne’ebé sira hetan iha ema nia rain hodi mai investe fali iha ita nia rai doben Timor- Leste ida ne’e , ha’u nia mensagem mós ba ha’u nia alin sira, ita hotu hatene katak iha ita nia rai desempregu barak ita rekoñese ida ne’e tamba dalara barak ita mós seidauk iha ligasaun servisu barak maibe tuir lolos ita iha potensiaál barak iha ita nia rai ,maibe ita seidauk iha esperensia barak no eskil barak tamba ne’e ita presisa ba aprende iha ema nia nasaun seluk”
Nia hatutan husu ba traballadór sira ba hatudu atitude diak iha ema nia nasaun tamba ema nia kultura la hanesan ho ita nia no husu ba familia trabailladór sira atu fo nafatin koragem ba sira atu nune’e sira ba karik servisu ho di’ak .
Tamba ne’e ita boot sira ba representa timor nia naran ba iha ne’ebá hatudu ita nia atetude diak hatudu mos ita nia ospitalidade di’ak ba iha ema nia rai , tamba japaun ne’e sira nia kultura ne’e respeitu teb-tebes tamba ne’e importante tebes ba ha’u nia alin sira tenke adapta tuir tamba ita nia kultura ho ema nia diferente tamba ne’e tenke adapta tuir ema nia kultura, no mós husu ba familia trabailladór sira atu fo nafatin koragem ba sira atu nune’e sira ba karik servisu ho di’ak esperansa bo’ot katak buat hotu sei la’o diak to’o tempu ne’ebé determina sira nia servisu mai fali ita nia rai no hodi halo mudansa ba familia no nasaun.
Jornalista: Marcal
Editor : Luhamutu
