Dili 31 Janeiru 2024 (RCC)-Professores Kontratadus Halo Manifestasaun Hasoru Ministra Eduksaun Relasiona Ho Desizaun Ne’ebé Hapara No La Rekoñese Professores Kontratadus Nia Kontribuisaun.
Porta voz Agostinho Pinto hateten nafatin halo manifestasaun to’o hetan solusaun ba professores kontratadus sira, no husu ba ministra edukasaun tenki resolve lalais problema professor sira nian, no tenki rekoñese professor sira nia dediksaun durante tinan naruk nia laran.
“Ami nia posisaun klaru tenki iha solusaun ba professores kontratadu sira ne’ebé mak assina kontratu iha tinan 2023, tuir pedido ne’ebé ami fó ba komandu jerál katak ami nia manifestasaun to’o fulan rua maibé sei hahu uluk loron tolu iha tasi tolu uma adat kontinua husu ba ministeriu edukasaun atu resolve problema professores kontratadus liliu rekoñese iha lei 31/ 2023 ko’alia kona-ba inkresu especial ne’ebé mak hatur ona ne’e amk ami sei la rende no sei nafatin buka solusaun, ministeriu edukasaun tenki rekoñese ami nia dedikasaun servisu iha tinan sanulu hala’o ona iha eskola ministra edukasaun dehan ami relasaun kotu la rekoñese ami ne’e hahalok ida ne’ebé mak la di’ak, ne’e laos lider ida ne’ebé mak di’ak professor sira ne’e hatudu ona sira profisionalizmu servisu, voluntarismu durante tinan sanulu ba estadu ida ne’e estadu rekoñese ho saída entaun ami hanoin ministra eduksaun la iha kapasidade inmoral hasai liafuan sira ne’ebé deskrimina professor kontratadu sira tamba ida ne’e ami fó tempu ba nia atu foti solusaun kuandu nia la foti solusaun ami sei taka tomak iha ministeriu eduksaun, tamba saída ministra exite tamba professores iha alunos iha”. Dehan Porta Voz iha Tasi Tolu
Porta voz agresenta professores reklamante reseital ho vaga ne’ebé mak fó sai husi Ministra eduksaun katak professor hotu-hotu teste liuhosi vaga, no professores reklamante konsidera Ministra edukasaun foti desizaun halo deskriminasaun ba professor sira tamba la tuir lei no la justu.
“Vaga ne’eba ami reseita total vaga ba professores ne’ebé foin atu sai professor ekuantu professores ne’ebé iha ne’e hala’o ona sira nia servisu no didikasaun durante tinan sanulu nia laran garante funsionamentu no ensinu prosesu aprendisajen inklui garante ezame nasional ne’ebé mak kada tinan ministra rasik maka realize tamba ne’e la razaun katak ministra eduksaun la rekoñeseprofessores maibé iha lei hateten klaru rekoñese professores kontratadus sira ninia sakrefisiu, dedikasaun ne’ebé hala’o ona , reseita total razaun tamba inkresu especial aplika ba professores kontratadus hot-hotu se ministra eduksaun la komprende karik halo favor mai ani esplika lei ne’e ba nia, tamba lei atu dignifika no valorize professores sira nia sakrifisiu, agora dalan lao atu ba tribunal maibé ejiji nafatin, bainhira ami to’o tribunal signifika reasaun ne’ebé mak halo ne’e krimi ida, sira hirak e’ebé mak foti desizaun ba professores sira ne’e krimi ida, ami sei la nonok nafatin kontinua ejiji ba hetan solusaun. Ami nia kazu hato’o ona iha provedoria direito dos umanus hodi hasoru ministra edukasaun rasik, tamba foti desizaun la justu no halo violasaun ba direitu umanus tamba professores sira hala’o ona sira nia misaun transformasaun jerasaun foun sai edukador ba rai ida ne’e ministra foti desizaun ne’e halo deskriminsaun. Ami hetan ona karta notifikasaun katak ministra tenki resolve ami nia problema iha loron tolunulu nia laran karik la resolve provedoria sei loke investigasaun no prosesa ba ema hirak ne’ebé mak foti desizaun la justu. Nia Hakotu
Jornalista : Leo Alves
Editor : Luhamutu
