Dili, 07 de fevereiru 2024 (RCC)- Governu liu husi Consellu Combatente da Libertasaun Nasionál aprova orsamentu ho montante hamutuk 250.000 hodi selebra loron Combatente Libertasaun Nasional iha territoriu Timor Laran tomak.
Iha entrevista ho Presidente Administrasaun Consellu Combatente Libertasaun Nasionál Vidal de Jesus “Riak Leman” hateten orsamentu ne’ebé mak aprova hodi selebra ba loron Veteranus ne’ebe monu iha loron 3 fulan Marsu tinan 2024 ho montante hamutuk 250.000 no kada munisipiu fo 5000 hodi selebra loron importante ne’e
‘’kona-ba prepasaun ba loron veteranus nian agora forma hela komisaun organizadora, halo koperasaun ho ekipa husi parte presidente da republika nian, husi F-FDTL nian, equipa bombeirus no estatal, sira ne’e hamutuk hodi forma ekipa konjunta ida hodi hala’o preparasaun ba loron 3 fulan marsu nian, no agora ami prepara hela konvite atu haruka ba ita nia maluk veteranus sira husi Angola, Mocambique,Guinebissau, Brazil, Portugal, Federasaun Mundial ,Malazya, Indonesia, Singapora, Australia ho Nova-zelandia, halo mós enkontru kona-ba orsamentu ne’ebé iha no aprova hamutuk 250.000 dollar
Nia hatutan orsamento ne’ebé aloka ba iha munisipiu sira mak montante 5000 dollar hodi bele komemora ba iha loron importante ida ne’e
“ami fó ba munisipiu sira kada munisipiu montante osan 5000 dollar hodi selebra loron ida ne’e, orsamentu ne’ebe aprova ne’e osan bo’ot duke ita fo de’it 1000 dollar ba la halo buat ida, ne’ebe 5000 kada munisipiu hodi sira mos prontu para atu implementa osan ida ne’e hodi selebra loron bo’ot ida ne’e iha 3 de marsu” hakotu husi “Riak Leman”
Jornalista: Sergio Borges
Editor: luhamutu
