27.3 C
Dili
Friday, 14 June 2024
spot_img

Vendedor Husu Governu Atu Prepara Fatin Dignu Molok Muda Sai Sira  Husi Merkadu Kampu Baru

Dili, 07 fevereiru 2024 (RCC) Relasiona ho negosiante sira ne’ebé fa’an sasán iha Merkadu kampu Baru, no iha tempu lokraik sempre hamosu engarrafamentu iha estrada públiku área kampu baru nian.

Iha intervista kordenadór ekipa guarda munisipál dili, Elias do Nascimento  hateten husu Negosiante sira atu kumpre regra ne’ebé estabelese ona

“ Se ita bazeia ba Lei númeru 33/2008 ne’e rigorozu tebes, ne’e bandu ba negosiante sira hotu atu oinsá labele fa’an iha estrada ninin tambá iha lei mós ko’alia katak, iha fatin públiku la autoriza ba Negosiante sira atu halo sira nia Negósiu ba, Maibé iha parte seluk mós ita hare fila fali ba ita hotu nia kondisaun moris dala barak mós ita fó tempu ne’ebé naruk ba sira, maibé agora sira mós komprende ona kuandu hare hetan ami sira halo’ot ona sasán ne’ebé sira fa’an ne’e,” hateten husi koordenadór ekipa guarda munisipál dili, Elias do Nascimento

Nia hatutan sira simu ona informasaun husi Diretór katak iha tempu badak merkadu ne’e mós sei muda hotu ba iha merkadu manleuana, no negosiante sira ne’ebé lakohi koopera maka sei hetan sansaun bazeia ba Lei ne’ebé iha ona.

“Ami simu informasaun husi Diretór katak  Iha tempu badak merkadu ne’e mós sei muda tiha, ba hotu fali iha merkadu manleuana ne’ebá tambá  hare iha ne’e estrada protokolu, bainhira ami ko’alia maka sira nafatin  fa’an sasán iha ne’e ami fó sansaun ba sira bazeia ba Lei no liga kedas ba iha ekipa operasaun patrulla tun direita mai atu foti sasán sira ne’e, no husu ba   Negosiante sira hotu atu koopera ho parte governu, la’ós lakohi atu halo negósiu lae, maibé tenke fó espasu ba ema hodi la’o, labele fa’an netik iha estrada ninin no trotoar leten,” nia haktuir

Iha fatin hanesan, negosiante Bento Silva do Santos, hateten karik governu atu muda merkadu ba fatin seluk sira prontu halo tuir, maibé husu atu fó fatin ne’ebé dignu ba sira hodi sira bele hala’o negósiu ho seguru.

“Ha’u hanoin buat ne’e di’ak hotu ba povu, maibé governu tenke prepara uluk fatin ba  negosiante sira hotu, maka bele muda negosiante sira, atu ba fali ne’ebé de’it ami prontu halo tuir, maibé tenke muda ba fatin ne’ebé dignu no besik iha estrada, iha ne’e balun iha transporte no balun laiha transporte,” hateten husi Negosiante Bento Silva.

Jornalista :Anita vaz

Editor :Luhamutu

Related Articles

- Advertisement -spot_img

Latest Articles

ARKIVU.
RCC.