Dili, 05 De Fevreiro 2024 (Rcc)- PDHJ Hala’o Serimonia Entrega Relatorio Final Investigasaun (Rif) Ne’ebé Hala’o Iha Tinan 2023
Iha diskursu Provedoria Direitos Humanos Justiça Virgilho da Silva Guterres hatete serimonia ohin nian mak entrega relatoriu sira ne’ebé PDHJ konklui iha tinan kotuk hein katak seremonia entrega ida ne’e mós sei haforsa no hametin liu tan iha redasaun institusionál.
“serimonia ida ohin entrega relatorio finál ne’ebé konklui iha tinan kotuk ba Kazu sira ne’ebé maka halo ona keixa, depois investigasaun rezolve ona liu husi mediasaun ka tribunal ou kombinasaun PNTL nian no unidade relevanta konsege resolve iha parte sira, maske resolve ona provedor sei produz relatoriu atu tau hanesan arkivu ba iha treze, kazu hirak ne’e relasiona ho violasaun direitus humanus ho liberdade ho nia integridade iha seguransa bainhira instituisaun relevante simu ona relatoria investigasaun final ba rekomendasaun husu atu fo informasaun kona-ba PDHJ no sasukat sira ne’ebé forte atu kumpri ka hala’o rekomendasaun sira ne’e iha loron nenulu nia laran’’hateten Provedoria PDHJ
Iha sorin seluk hatutan mos husi Comando Jeral PNTL Jose Soares hatete PDHJ ba tinan 2023 nia servisu atinji ona ba dekada 24, no ezistensia ida ne’e ezekusaun estadu ne’ebé hasoru iha servisu loron-loron la fasil, presiza atu hare’e didi’ak ajensia internál tuir konstituisaun RDTL nia no agradese ba provedor sira halo supervizaun, monitorizasaun, fiskalizasaun ba ajentes estadu ne’ebé mak hetan fundus husi autoridade seguransa no Polisia Nasional Timor Leste.
“Polisia Nasional Timor Leste hodi ezerse nia funsaun tenke tuir lei inan, lei oan sira no norma sira hotu-hotu atu labele se’es husi kompetensia principal sira ne’e, nune’e labele konflitu ho direitus humanus, PNTL garante katak karik membru polisia la’os ema seluk nian, bainhira hatene ona kompetensia ne’ebé mak lei fó ba sei la konflitu ho sidadaun se deit, maibe hanesan Timor oan atu tau iha ita nia hanoin tomak no agradese ba provedor ne’ebé maka halo servisu durante tinan tomak nia laran monitor kona ba servisu no lalaok PNTL ninian iha ”check and balance” entre estadu no instituisaun sira iha balansu tuir konstituisaun nia haruka” hatutan husi Comando Jeral PNTL
Jornalista : Mika Silva
Editor : Luhamutu
