Dili, 8 Fevreiru 2024 (RCC)- Governu liu husi Sekretario Estado Komunikasaun sosiál asina kontratu ho media sira ne’ebé prense rekezitos kontratu nian
Iha intervista Sekretariu Estado Komunikasaun Sosiál Espedito Dias Ximenes hateten asina akordu ida ne’e atu fo apoio ba media imprensa jornal, plataforma online dizital, televizaun privadu sira ne’ebé prense ona rekejitos
“Molok atu halo akordu asina servisu hamutuk ohin ne’e ami kria ekipa ida hodi halo monitorizasaun ,ekipa ida halo levantamentu , ekipa ida halo avaliasaun portantu durante iha IX Governu nia governasaun ne’e ita fo apoiu ba media imprensa jornal, ita fo apoiu ba televizaun privadu sira,no ita fo apoiu mos ba plataforma online dizital ne’ebe prense rekezitu sira, durante ne’e ami halo avaliasaun, depois halo avaliasaun ne’ebé halo hare katak sei iha benefisiu ba publiku ka komunidade no benefisiu ida mak povu iha munisipiu postu administrativu no suku gosta lee jornal , maske jornal barak mos tarde maibe sira gosta lee ba situasaun dezemvolvimentu nasaun nian no mos dezemvolvimentu internasional ne’ebe tamba ne’e maka ami hola desizaun katak ita sei kontinua halo kontrola ba jornal sira ne’e, ba iha munisipiu no postu administrative sira ema ne’e simu ka lae no lee notisia ne’e ga lae ne’e ami halo avaliasaun no husi levantamentu ne’ebé ami halo hatudu katak populasaun sira hetan duni jornál ga lae”, dehan Expedito iha Palasiu Governu quinta –feira nee.
Iha sorin seluk Director Timor Post Jacob Ximenes hateten nia sente haksolok tebes ho programa IX governu liuhusi SECOMS bele selebra kontratu ho media sira hotu signifika katak SECOMS hakarak informasaun sira hotu ne’ebé espalla iha timor leste bele to’o mos iha areia rurais sira atu nune’e ema hotu-hotu bele asesu ba informasaun
“ objetivo ida ohin SECOMS halo ne’e atu hafosa media nain sira atu espailla informasaun sira ne’ebé iha nasaun timor leste bele to’o mós iha area rurál sira ne’e signifika estadu nia hakarak ida ne’e informasaun sira ne’ebé iha la bele iha de’it sidade laran maibe bele mos to’o iha area rurais sira tamba ne’e maka parte SECOM nia intervisaun husi sual Exlensia ne’e signifika katak governo ka parte SECOM sei la interven ona tamba kontratu ne’e atu reforsa de’it media sira hodi hala’o sira nia knar indepedente ka kualifikadu ho imparsial liu tan”
Jornalista: Anita vaz
Editor : Luhamutu
