25.7 C
Dili
Thursday, 20 June 2024
spot_img

Ministra Edukasaun Sei Resolve Problema Profesores Iha Tempu Badak Nia Laran

Dili, 09 Fevereiru 2024 (RCC)_ Liu husi polítika kuadru pesoal ne’ebé Ministeriu Edukasaun (ME) halo identifikasaun ba eskola sira ne’ebe mak falta professores iha territóriu timor laran hamutuk 40 resin.

Tanba ne’e  Ministra Edukasaun Dulce  de Jesus Soares hateten, iha tempu badak ME sei halo transferénsia no halo kolokasaun kona ba bolsa kandidatu ba professor sira.

“Maibé tuir ME liu husi  governu ne’ebé halo ona kuadru pessoal ida  hamutuk ho  ME no identifika ona eskola hira maka falta professores no ME sei halo transferénsia ba eskola sira ne’ebé professor barak liu sei transfere fila  fali ba eskola sira ne’ebé professor menus, nune’e mós Ministeriu Edukasaun servisu hamutuk ho  Instituto Nasionál Seguransa Sosial ka INSS sei halo planu ida hodi  tun hamutuk ba terenu hodi halo  sosializa ba professor sira  kona-ba sira ne’ebé tama ona ba idade reformadu.Tanba tuir rejime kareira dosente ezije atu professor ka mestri ida tenki halo servisu ka hanorin oras 24 iha semana ida no tenki kumpri maibé haree fali ba sira nia idade fízika, mentál, no buat sira ne’e hotu la’o do’ok tebes ona no balun mós susar tebes atu hamri’ik kle’ur iha sala de aula iha óras  hat ka lima nia laran tanba ne’e tenki iha polítika reforma ba profesór sira ne’e,  Maibé  polítika reforma ba professor sira ne’e ME sei identifika ho klean atu haree katak sekarik iha duni professor sira ne’ebé ho idade avansadu  tuir dadus ne’ebé iha maka ME sei aproxima hodi ko’alia ho professor sira  hamutuk ho Institutu Nasionál Seguransa Sosiál (INSS) ho mós Komisaun Funsaun Públika (KFP)  atu nune’e bele indentifika katak iha duni professor balun  ne’ebé iha  idade tama ona ba avansadu, Ministra Edukasaun Dulce  de Jesus Soares hateten ba jornalista sira iha Palacio Prezidente Bairo Pite Dili, iha loron Sexta _feira

Maske nune’e  ho idade avansadu ne’ebé maka karik sei bele kontinua hanorin, entaun  ME sei aproxima ho dalan ne’ebé di’ak liu atu nune’e parte hotu bele kontente no simu, karik  sira tama ba reforma ka la’e, Tamba ne’e bazeia fali ba lista identifikasaun ne’ebé  ME identifika katak  kuaze númeru bo’ot tebes mak sei tama ba idade reforma tanba ne’e sei ministeriu edukasaun sei fo reformadu ba profesores hirak ne’e  liuhosi prosesu ida ne’ebé di’ak, hakotu Dulce de Jesus.

Jornalista : Tonia Neto

Editor : luhamutu

Related Articles

- Advertisement -spot_img

Latest Articles

ARKIVU.
RCC.