26.2 C
Dili
Thursday, 20 June 2024
spot_img

Rede Feto Timor Leste Hala’o Workshop Validasaun Rezultadu Peskiza Konaba Heroina No Impaktu Média Sosiál Ba Sociedade

Dili, 09  De Fevereiru 2024 (RCC)-Rede Feto Timor Leste Hala’o Workshop Validasaun Hodi  Fó Sai Rezultadu Peskiza Kona-ba Heroina No Impaktu Média Sosiál Ba Sosiedade Timor-Leste.

Iha entrevista ho Presidente Konsellu Diretoria Rede Feto Timor Leste Zelia Fernandes hateten iha peskiza ne’ebe maka rede feto halo iha oin rua ida maka ko’alia kona-ba heroina sira nia luta hodi hetan libertasaun nasional no ida seluk mak ko’alia kona-ba impaktu média sosiál ba iha sosiedade.

 ‘’Peskiza rua ne’ebe mak rede feto halo maka hanesan peskiza kona-ba heroina no ida seluk kona-ba impaktu media sosiál ba sosiedade, ne’e ita hahu peskiza iha tinan  2023, kona-ba peskiza heroina ita halo kontinuasaun husi obra ka livru ida ho naran Buibere Hamrik Ukun Rasik An, ida ne’ebé uluk membru rede feto ida husi Organizasaun Popular Mulher Timorense ( OPMT) maka inisia no hetan apoiu husi lider nasional sira hotu no hamutuk hodi fo apoiu liuhosi avaliasaun ida, ikus mai bele halo peskiza ba inan feton sira iha territoriu tomak kona-ba sira nia partisipasaun iha luta libertasaun nasional, Atu halo kontinuasaun ba livru Buibere Hamrik Ukun Rasik-An, rede feto Timor-Leste aplika ba iha fundu sosiedade sivil hodi halo kompletu liu tan ba livru ne’e kona-ba profil heroina sira nian, maske ho tempu ne’ebe badak  tebes kuaze fulan haat de’it ami halo peskiza tamba ida ne’e kontinuasaun de’it no ita iha ona heroina sira ne’ebe presta ona sira nia imformasaun husi livru ne’ebé iha, konserteja ami foti informasaun balun husi ne’eba maibé peskiza ida ne’e la’os profile pessoal de’it maibé  profile heroina ho kolektividade, no agora dadaun prosesu la’o hela no besik atu remata ona’’.Dehan presidente Diretoria iha salaun rede feto kaikoli  

Nia agresenta   peskiza impaktu Média Sosial ba sosiedade iha tinan kotuk 2023 hetan mos fundus husi sosiedade sivil, no propoin halo peskiza iha munisipiu haat hanesan Munisipu Dili, Baucau Manufahi no Ermera, tamba ita nia tarjetu ba iha estudante Ensinu Baziku Terseiru Siklu, Ensinu Sekundariu, no universitariu tenki liu ida.

ʺAtu dehan katak razaun ita hili munisipiu haat ne’e tamba nia kriteiru ida mak ita nia tarjetu ba iha estudante Ensinu Baziku Terseiru Siklu, Ensinu Sekundariu,no universitariu tenke liu ida, no iha munisipiu haat ne’e ita indentifika kuaze universitario rua tolu no mos kestaun tempu ne’be badak tebes ba fulan rua hodi halo peskiza ne’e la sufisiente peskiza ne’ebe normalmente ema halo ba tinan ida hodi halo preparasaun,ba organiza,no mos tun ba terenu halo peskiza hotu elabora no analiza ne’e laos tempu neebe badak maibe ami hatene katak iha ne’e limitasaun ne’ebe maka ami iha no la konsege˶.Tenik Nia      

Iha sorin seluk Sekretaria Estadu Igualidade (SEI) Elvina de Sousa Carvalho hato’o nia agradesimentu no apresiasaun bo’ot ba rede feto tamba rede feto hanesan orgaun ida ne’ebe mak fo mahon no halo advokasia ba asuntu feto ho labarik sira no asegura implementasaun planu asaun anual  hodi hala’o sira nia papel hanesan organiza peskiza ida ne’ebe hare ba impaktu média sosiál ba sosiedade sira.

‘’Ba dahuluk hau hakarak hato’o katak Sekretariu Estadu Igualidade agredese no fo apresiasaun bo’ot ba rede feto tamba rede feto hanesan orgaun ida ne’ebe mak fo mahon no halo advokasia ba asuntu feto ho labarik sira no asegura implementasaun planu asaun anual no mos iha papel importante tebes  tamba ho sira nia papel ne’e mak dudu no motiva sira hodi halo no organiza peskiza ida konaba impaktu media social ne’ebe durante ne’e ita hare katak barak liu dudu joven sira hodi halo atividade ne’ebe la produtivu no la di’ak hodi koalia asuntu ne’ebe negativu, tamba ne’e prezensa husi peskiza ne’e hodi bele hatene lolos katak problema hirak ne’e los ka lae. Nia Hakotu   

Governante ne’e mos husu ba rede feto katak se bele rezultadu  ne’ebe halo peskiza labele sai de’it dokumentu maibe tenki partilla ba membru governu relevantes sira atu bele halo  mudansa liu husi lejislasaun no politika sira ne’ebe presiza halo husi governu hodi kombate impaktu negativu husi média sosiál ba sosiedade sira ne’ebé mak uza média.

 Jornalista : Sergio Borges

  Editor     : Luhamutu

Related Articles

- Advertisement -spot_img

Latest Articles

ARKIVU.
RCC.