26.9 C
Dili
Friday, 14 June 2024
spot_img

  Komunidade Aldeia12 De Outobru La Asesu Ba Be’e Mós Durante Timor Leste Hetan Indepedensia

Dili, 12 fevereiru 2024 (RCC) komunidade aldeia 12 de outobru  preokupa ba be’e mós tamba durante timor leste hetan indepedensia sira seidauk asesu ba be’e mós ho diak

Iha entrevista ho komunidade aldeia 12 de outobru  Cristiano Xavier do amaral hateten iha aldeia  12 de outobru ida ne’e preokupa tebes ba be’e mós durante tempu naruk nia laran tamba dalaruma be’e mós ne’ebe konsumu ne’e sosa de’it husi kareta tenki ne’ebe lori mai  iha ne’e no sosa kada masa litru lima ne’e ida lima sentavu.

ʺAmi hela iha ne’e hahu iha tinan 2008 to’o agora,  no iha ne’e preokupa tebes konaba be’e mós, tamba dalaruma be’e mós ne’ebe mak konsumu ne’e sosa de’it husi kareta tenki ne’ebe mak lori mai iha ne’e, ami sosa kada masa  lima litru,  lima sentavu, maibe dalaruma kareta la mai iha ne’e,  ami sente difikulta tebes  be’e mo’os no ami nia oan atu ba eskola de’it mós atu haris be’e laiha ne’ebe obrigatoriu ami tenke konsumu be’e masin. No bainhira kareta la mai ami ba kuru be’e mós  ne’e do’ok tebes, ba to’o iha raikotu no ba to’o iha iha kampun baru ne’eba’’.

Komunidade ne’e mós husu ba parte relevante sira atu tau atensaun ba iha aldeia 12 de outobru konaba be’e mós tamba durante ne’e sira preokupa tebes.

 ʺHanesan povu babain ami nia rekomendasaun ba parte relevante sira hanesan governu tenke tau matan ba ami iha aldeia ida ne’e konaba asesu be’e mo’os tamba ami nia presija mak  be’e-mo’os ne’e mak ami nia rekomendasaun ba parte governu nian’’nia hakotu.

Iha sorin seluk xefe aldeia 12 de outobru hateten katak hanesan autoridade lokal iha aldeia ida ne’e durante  nia hare’e no hatene katak durante timor leste ukun rasik-an komunidade iha aldeia ida ne’e susar tebes atu asesu ba  be’e mós.

Ha’u hanesan autoridade local iha fatin ida ne’e hare’e no hatene katak hahu husi timor leste ukun raik an ne’e  maioria komunidade iha aldeia ida ne’e nunka uza  be’e mo’os no parte relevante hanesan Servisu Agua no Saneamentu (SAS) nunka mai iha fatin ida ne’e hodi hare’e no survey konaba komunidade sira nia preokupasaun ida ne’e, no komunidade maioria iha ne’e  mak sosa  be’e mós hodi komsumu,no ha’u hanesan eleitu foun, konaba proposta iha no atu halo duni maibe seidauk, karik  xefe aldeia ida uluk ne’e halo maibe  tamba hare’e ba iha area ida ne’e area potensial ba dezemvolvimentu, tan ida ne’e maka dalaruma sira husik hela tamba dalaruma governu atu halo dezemvolvimentu seluk ida.

Autoridade ne’e akresenta tan katak durante ne’e komunidade sira ejize no hein hela parte governu atu mai rezolve sira nia preokupasaun maibe to’o de’it agora no hetan deit  be’e ne’ebe mak sosa ne’e

Iha ne’e durante ne’e komunidade barak mak ejize no hein husi parte relevante sira atu mai rezolve sira nia preokupasaun be’e mós ne’e maibe hein to’o fali agora ida la mai no hetan de’it mak  be’e ne’ebe sosa, liu-liu sira ne’ebe  iha iha rai hun ne’eba iha danau no maslidun bainhira iha tempu udan kareta labele tama sira uza maneira seluk hodi mai kuru  be’e, ne’e sira uza bero lae sira lao ain de’it hodi mai kuru iha ne’e hodi ba komsumu maibe konaba haris fase roupa sira ne’e sira uza  be’e ne’ebe sira baku ne’e deit  be’e masin.   

  Jonalista: Sergio Borges

Editor:  Luhamutu      

Related Articles

- Advertisement -spot_img

Latest Articles

ARKIVU.
RCC.