Dili, 16 fevereiru 2024 (RCC) -Timor-Leste no Uniaun Europeia (UE), hala’o Dialogu Parseria dahuluk, iha Dili, hafoin asina Akordu Samoa iha 15 Novembru 2023.
Dialogu ne’e hanesan oportunidade importante ida ba Timor-Leste no UE atu diskute asuntu balun, inklui adezaun no integrasaun Timor-Leste nian ba ASEAN. Timor-Leste no UE mós diskute kona-ba kooperasaun dezenvolvimentu UE nian ba tinan 2021-2027, oportunidade investimentu sira ne’ebé fornese husi portaun globál no hametin ligasaun komérsiu sira liuhusi preparasaun hamutuk Timor-Leste nian adezaun ba Akordu Parseria Ekonomika (sigla Inglés, EPA) provizóriu. UE hato’o ninia apoiu tomak ba Timor-Leste nia adezaun ba EPA temporariu no ba Organizasaun Mundial Komersiu (OMK).
Parte rua halo revizaun ba dezenvolvimentu polítiku iha Timor-Leste no UE. Timor-Leste fó atualizasaun ida kona-ba prosesu adezaun ASEAN nian ne’ebé la’o hela no UE subliña ninia apoiu ba prosesu adezaun no integrasaun Timor-Leste nian ba ASEAN. Prioridade sira husi UE ne’e foka liu ba tranzisaun verde no dijitál.
Iha diálogo ne’e dezafiu mudansa klimátika sai hanesan parte importante ida husi diskusaun. Parte rua troka hanoin kona-ba COP28 ne’ebé foin lalais ne’e determinadu iha Dubai, iha ne’ebé na’in rua afirma kompromisu atu promove lideransa no asaun klimátika ne’ebé ambisiozu, no mantein iha grau ne’ebé ki’ik liu iha 1.5 grau nia okos.
Dialogu Parseria ne’e hatudu katak valór sira hanesan ne’ebé mak parte rua fahe inklui demokrasia, estadu direitu no direitus umanus, no defeza sistema multilaterál ho ONU iha ninia orden internasionál no bazeia ba regra sira. Parte sira haree ona progresu sira ne’ebé halo ona iha implementasaun rekomendasaun sira ne’ebé halo ona husi Misaun Observasaun Eleisaun UE nian.
Alem de ne’e Timor-Leste no UE mós troka hanoin kona-ba dezafiu sira ne’ebé boot liu iha dezenvolvimentu internasionál iha tempu ne’ebé aumenta kompetisaun jeopolitika. Parte rua reforsa kompromisu ba implementasaun Akordu Paris nian, Objetivu Dezenvolvimentu Sustentavel sira, nune’e mós prioridade no kompromisu sira iha área direitus umanus, inklui igualdade jéneru no violénsia bazeia ba jéneru; sustentabilidade ambientál, tasi no peska. Preokupasaun kona-ba pás no seguransa mós hatudu iha sorumutuk ne’e ho planu atu troka informasaun kona-ba konsiénsia kona-ba domíniu tasi nian no rezolusaun konflitu nian, ida-ne’ebé ikus liu iha inisiativa g7+ nian laran.
Timor-Leste no UE nafatin iha kompromisu atu hametin parseria iha nivel multilaterál, liuliu ba Simeira ONU nian iha Futuru no Konferensia Internasional ba da-haat kona-ba Estadu Dezenvolvimentu Illa Kiik sira (sigla Inglés, SIDS). UE no Timor-Leste hein hela atu ba Konferensia SIDS ba da-haat ne’ebé sei hala’o iha fulan Maiu 2024 iha Antigua no Barbuda no sei fó rezultadu ida-ne’ebé forte durante tinan 10 ba sustentabilidade no reziliensia SIDS nian.
Diálogu konstrutivu ne’e konfirma área interese no preokupasaun komún sira ne’ebé fahe ba malu, iha ne’ebé UE no Timor-Leste bele hakle’an liután kolaborasaun iha nivel hotu-hotu hodi fó benefísiu ba sira-nia sidadaun ida-idak.
Dialogu ne’e prezidé husi Bendito dos Santos Freitas, Ministru Negosius Estranjeirus no Kooperasaun Timor-Leste no Paola PAMPALONI, Diretora Jestaun Adjunta ba Azia no Pasifiku, Servisu Asaun Externa Europeia.
Jornalista : Luhamutu
Editor : Luhamutu
