27.3 C
Dili
Friday, 14 June 2024
spot_img

Uniaun Europeia Aprezenta Projetu Integrasaun Rejionál No Komérsiu

Dili, 16 fevereiru 2024 (RCC) – Uniaun Europeia aprezenta ho Vise-Ministra ASEAN no Ministru Komérsiu no Industria aprezenta Projetu Integrasaun Rejionál no Komérsiu.

Projetu ida-ne’e sei fornese asisténsia téknika no kapasitasaun ba Timor-Leste iha prosesu adezaun ba ASEAN, hafoin adezaun ba Organizasaun Mundial Komersiu (OMK) no negosiasaun sira kona-ba Akordu Parseria Ekonomika (sigla Inglés, EPA) Pasifiku ho UE. Akordu sira-ne’e tuir ASEAN, OMK no EPA sei iha impaktu fundamentál ba relasaun ekonómika no komérsiu Timor-Leste nian iha futuru ho estadu membru ASEAN sira ne’ebé eziste no ho nasaun sira seluk iha mundu tomak, nune’e mós ba operasaun emprezariál no ema sira-nia moris iha nasaun ne’e.

Tuir komunikadu ne’ebé  Rádio Comunidade Comoro acessa  projetu ida-ne’e finansia ho osan  euro millaun 3 ne’ebé hala’o tiha ona dezde fulan Outubru 2023 ho durasaun too tinan tolu.

Projetu ne’e servisu iha maneira integradu no koordenada atu evita duplikasaun apoiu no asaun husi doadór oin-oin.

Tuir  Diretora Adjunta Jestaun Azia no Pasifiku iha EEAS (European External Action Service) kompromete atu apoia Timor-Leste hodi promove dezenvolvimentu sustentavel liuhusi diversifikasaun ekonómika no kualifikasaun rekursu umanu sira.

 “Hau hein katak inisiu di’ak sei permite utilizasaun di’ak liu rekursu sira-ne’e, katak atór oioin hotu bele lori ba prosesu ida-ne’e hodi fó dalan ba Timor-Leste atu hetan benefísiu husi integrasaun ne’ebé di’ak liu duke tarde. Husi parte Uniaun Europeia, ita bele konta ho kontinuasaun parseria: ami kompromete atu apoia Timor-Leste hodi promove dezenvolvimentu sustentavel liuhusi diversifikasaun ekonómika no kualifikasaun rekursu umanu sira.”

Alem de ne’e Vise-Ministra Milena Rangel agradese ba Uniaun Europeia ne’ebé kontinua fó apoiu no komitmentu ba Timor-Leste nu’udar Parseiru dezenvolvimentu dedikadu no Sentru Komérsiu Internasional ba atividade sira ne’ebé implementa iha  tinan kotuk no efetividade sira dinámika ne’ebé kria ona entre projetu ne’e no autór relevante sira hotu.

“Timor-Leste fiar katak poténsia komérsiu nian mak hanesan forsa kondusaun ida atu promove kreximentu no dezenvolvimentu ekonómiku, hasa’e padraun moris nian no atu hasa’e objetivu estabilidade, pás no governasaun diak. Ami hatene katak viajen ne’e naruk no sei kontinua la’o liu husi ami-nia adezaun ba OMK, ASEAN no EPA UE-Pasifiku maibé ami fiar katak, se ami kontinua la’o iha dalan ida-ne’e, ami bele realiza aspirasaun sira husi Povu Timor-Leste atu kria Nasaun ida-ne’ebé prosperu no forte. Nasaun ida-ne’ebé bele garante prosperidade no moris-di’ak ba ita-nia populasaun iha mundu ohin loron ne’ebé kompleksu no muda lalais”.

Sentru Komersiu Internasional (sigla Inglés, ITC) implementa hela projetu ne’e iha parseria ho Vise-Ministra ba asuntu ASEAN, Ministro Komérsiu no Industria no Ministro Koordenador Asuntu Ekonomia.

Jornalista : Luhamutu

Editor : Luhamutu

Related Articles

- Advertisement -spot_img

Latest Articles

ARKIVU.
RCC.