25.7 C
Dili
Thursday, 20 June 2024
spot_img

Centro Nacional Chega Asina Nota Entendimentu Ho SEAK

Díli 16 Fevereiru 2024 (RCC) – Diretór Ezekutivu Centro Nacional Chega, Hugo Maria Fernandes asina nota entendimentu ho SEAK lideradu Jorge Soares Cristovão atu hala’o atividade fronteira nian no liga mós ba programa Governu nian.

Objetivu kona -bá nota entendimentu ida ne’e iha rua: 1⁰ maka Centro Nacional Chega ho Sekretariu Estadu Arte no Kultura iha prinsipiu ne’ebé koalia kona ba dezenvolvementu institusional hodi salva tan institusaun rua ne’e bele fahe esperiensia ka fahe matenek na malu iha Suku no Aldeia sira no segundu  maka oinsa mak atu hamutuk hodi hametin parseria ne’ebé hala’o iha tinan kotuk kona ba implementasaun Festival bo’ot no knanuk iha fronteira nian ne’ebé maka foku bo’ot sei tama ba fronteira nia laran.

CNC agradese ba disponibilidade SEAK nian ne’ebe maka simu CNC nia pedidu hodi estabelese kooperasaun ida ba institusaun Governu nian, hanesan tinan kotuk komunidade balu halo inpoderasaun de’it maibe iha susesu.

Iha sorin seluk, Jorge Soares Cristovão hateten, sei halo tan iha tinan oin hodi hametin liu tan ita nia relasaun ho vizinu Indonésia li-liu iha área fronteira nian no komunidade sira ne’ebe hela iha ne’eba hodi hametin liu tan paz no estabilidade atu nune’e eis kurikula bele transforma ida ne’e.

“Tanba ida ne’e maka tinan ida ne’e nafatin kontinua hala’o atividade liu husi nota entendimentu ne’ebe maka ohin CNC ho SEAK asina maibe la’os hare’e de’it ba atividade fronteira mais liga mós ba programa Governu nian ne’ebé maka iha SEAK servisu hamutuk ho CNC hodi hala’o kooperasaun ne’ebe di’ak liu ba kultural,” Dehan Jorge.

Aleinde ne’e CNN ho SEAK  hato’o mós agradesementu media sira hotu ne’ebe maka akonpana resultadu ne’ebé durante servisu hamutuk hodi identifika progresu servisu no hodi hametin liu tan iha tinan ida ne’e nia laran.

“Aproveita tinan ida ne’e atu pronunsia ba públiku katak ho koinesementu ne’ebé maka Centro Nacional Chega hala’o festival ne’e, SEAK  halo ona komunikasaun hanesan ita hotu  sempre akonpana katak iha enseramentu  festival kultural tinan kotuk nian no SEAK seidauk pronunsia fali fatin ne’ebe maka sei halo festival kultural iha 2024 ninian”.Dehan Nia.

Ho nune’e SEAK mós fo’o agradese ba servisu ne’ebe maka Centro Nacional Chega tanba durante ne’e servisu hamutuk ho Sekretariu Sekretariu Estadu Arte no Kultura hodi halo tiha ona iha tinan kotuk hodi fahe informasaun ba públiku no komunidade sira.

“Depois de tama iha 2024 tinan ida ne’e ami sei diskuti hamutuk hodi desidi povu Oekusi nu’udar uma na’in no mós sei kordena ho estrutura Oekusi nian atu nune’e bele hala’o festival fronteira iha Oekusi/RAEOA. No mós sei diskuti hamutuk kona ba tema jeral sira hodi hametin relasaun fronteira nian”, hakotu Jorge.

Jornalista : Adelina Fátima

Editor : Luhamutu

Related Articles

- Advertisement -spot_img

Latest Articles

ARKIVU.
RCC.