26.9 C
Dili
Friday, 14 June 2024
spot_img

PR Simu Karta Kredensiál Husi Embaixadora Nova Zelándia Mai TL

Dili, 16 Fevereiru 2024 (RCC)- Prezidente Repúblika José Ramos Horta simu karta Kredensial husi Embaixadora Extraordináriu no Plenopotensiáriu Nova Zelandia Mai Timor-Leste, Hellen Jane Tunnah iha Palacio Prezidencial.

Iha intervista ho Ministru Negosius Estranjeirus no Kooperasaun (MNEK) Bendito dos Santos Freitas ba jornalista sira iha Palacio Prezidencial Bairo Pite Dili iha sexta_feira ne’e hateten, objetivu husi Karta Kredensial ne’ebe  aprezenta  ba Prezidente Republika (PR)  katak atu bele konsulida  no reforsa di’ak liu tan kooperasaun bilateral  entre Timor Leste ho Nova Zelándia.

Ohin  Prezidente  Repúblika simu Kredensial husi embaixadora Nova Zelándia mai Timor Leste tanba Timor Leste ho Nova Zelándia iha relasaun ida ne’ebé  mak  forte tebes iha kooperasaun bilateral iha area barak, tanba  ne’e iha pozisaun ho embaixadora anterior ne’ebé fila tiha ona ba  Nova Zelándia no  agora iha  embaixadora foun  Hellen Jane Tunnah ne’ebé mai iha ne’e ohin aprezenta ona Kredensial ba prezidente atu bele konsulida  reforsa di’ak liu tan kooperasaun entre Timor Leste ho Nova Zelándia,”, katak Bendito Freitas.

Desde ukun – an too agora Nova Zelándia sempre fó apoiu maka’as ba Timor Leste iha area oin_oin hanesan iha area edukasaun, agrikultura, peskas no mós setor Justisa nian tanba ne’e liu husi apresentasaun Kredensial ne’e naturalmente Prezidente Repúblika  bolu atu konfirma di’ak liu tan kona ba kooperasaun bilateral nian.

Ita hatene katak desde ita nia Nasaun ukun an ne’e, Nova Zelándia fó apoiu maka’as desde inisiu kedas to’o agora no  barak mak ita hare  iha baze  komunidade sira  iha kooperasaun barak inkluindu mós ba joven sira hanesan iha area  edukasaun   nian liu_liu ita hare’e hanesan revista lafaek ne’ebé servisu hamutuk ho Care Internasionál no  revista ida ne’e hetan fundu husi Nova Zelándia no mós  hanesan iha tinan rua kotuk liu ba Prezidente Repúblika hamutuk ho Nova Zelándia nian inklui embaixador Nova Zelándia halo lansamentu iha  Tarasu iha Railaco ne’ebá, ne’ebé  fó apoiu signifikativu teb_tebes atu bele tulun ba produsaun jornál ne’ebé maka hanaran revista no bele  tulun labarik sira ba parte leitura atu bele lé no bele kompriende di’ak liu tan, no la’ós ida ne’e de’it maibé tulun mós husi parte  seluk hanesan agrikultura,  peskas no mós ba setor justisa nian“, esplika Ministru Bendito Freitas.

Entertantu hare husi  parte hirak ne’e  mak Prezidente Repúblika fo benvinda no dezeju susesu ba misaun embaixadora foun katak  atu  mantein nafatin servisu di’ak  entre Timor Leste ho Nova Zelándia atu nune’e  Prezidente konvida wainhira prezidente iha aktividades vizita ba munisipiu no  embaixadora disponivel Prezidente Repúblika  prontu  atu bele deskobre konhese di’ak liu tan ita nia rai Timor Leste atu  nune’e bele partisipa besik liu tan, hakotu Ministru Bendito Freitas.

Jornalista : Tonia Neto

Editor : Luhamutu

Related Articles

- Advertisement -spot_img

Latest Articles

ARKIVU.
RCC.