Dili, 15 fevereiru, 2024 (RCC) – Vendedor sira ne’ebé fa’an modo iha elemoloi ho jestaun merkadu hare malu hanesan busa ho laho tamba iha tempu loraik jestaun merkadu sempre duni sira fatin ne’eba.
Iha etrevista ho vendedora Celeste ximenes sira faan sasan iha merkadu ki’ik Elemoloi hahú husi tuku ha’at to’o tuku neen loraik baihira to’o tuku hitu no tuku ualu kalan entaun jestaun do merkadu sira mai duni no foti hotu sira produtu ne’ebe maka sira faan.
“Iha ne’e ami faan sasan hahu iha tuku ha’at to’o tuku neen loraik bainhira mai to’o tuku hitu ka tuku walu entaun jestaun do merkadu sira mai toman ami sira lori hotu ami nia modo ba ona, karik sira la toman ami entun ami lori hotu ami nia modo ne’e halai tama mai iha laran sees husi sira, ami mos pasensia de’it tamba sira mai ne’e estadu mak haruka maibe ami triste tamba dalaruma modo ema ladun hola,ami faan modo tahan futun tolu halo tolu 50 centavo de’it no sira derepente mai ami halai osan balun monu lakon tia,ami mos dalaruma ba iha ne’eba tur la hakmatek hanesan busa ho laho ne’ebe hafuhu malu tamba bainhira jestaun do merkadu sira mai ami halai ona”, dehan Celeste..
Nia hatutan tan katak sasan hirak ne’ebe jaestaun merkadu sira foti ne’e la fo fila ona ba vendedores sira no jestaun merkadu sei lori ba soe iha lixu fatin.
“Sasan hirak ne’ebe sira foti husi ami ne’e sira la fo fila ona mai ami la hatene sira lori ba soe iha lixu mos ami la htene maibe ami nafatin hola foun fali hodi faan tamba ami nia buka moris mak liu husi faan modo hirak ne’e hodi fo ami nia oan ba eskola no mos hare ba familia uma laran nian’’nia akresenta.
Iha sorin seluk xefe do suku Comoro Elígio José da Silva Marçal hateten relasiona ho merkadu ki’ik hirak ne’ebe komunidade sira faan produtu lokal hanesan modo sira ne’e hanesan iha Elemoloi no kampung Baru ne’ebe merkadu ki’ik ne’ebe komunidade sira faan tuir oras de’it la permante.
“hau hare merkadu ki’ik sira hanesan elemoloi no kampun baru ne’e merkadu ida ne’ebe komunidade sira faan sasan tuir oras ne’ebe iha, la hanesan ho merkadu ne’ebe estadu prepara hanesan iha manleu no taibesi ne’ebe komunidade sira faan permanente iha ne’eba, tuir lolos la akontese no preve antes ne’e kedas bainhira komunidade sira atu faan sasan iha fatin hirak ne’e, maibe tamba de’it nesesidade ema hotu nian hakarak ka lakoi sira buka meius saida mak tenke faan netik buat ruma hodi bele hetan osan klaru katak fatin ne’e laos merkadu,merkadu mak iha manleu ho taibesi ne’ebe estadu prepara”,dehan xefe suku.
autoridade lokal ne’e mos akresenta tan katak hanesan autoridade lokal sira fo hanoin de’it ba komnidade no vendedor sira ne’ebe faan sasan iha fatin ne’e labele hafoer no tau lixu tuir nia fatin
“ami hanesan autoridade lokal ami ba ami orienta de’it ba ita nia komunidade ka vendedor sira ne’ebe faan sasan iha ne’eba katak sira tenke kontrola lixu, labele okupa Estrada publiku atu nune’e kareta ho motor liu, hanesan iha kampun baru bainhira ambulansia atu sai hasoru macet entaun ida ne’e problema ida tamba ambulansia mos tula hela ema moras,relasiona ho atu muda ka la muda merkadu ki’ik hirak ne’e fila fali ba estadu nia kompetensia, ami suku bele muda sira maibe iha kompetensia bo’ot ne’e maka governu liu husi sira jestaun merkadu nian ne’e bele muda. Nia hakotu.
Jornalista: Sergio Borges
Editor: Luhamutu
