25.7 C
Dili
Thursday, 20 June 2024
spot_img

Hetan impedimentu husi Manuel Tilman, Alzira Ximenes nafatin aprezenta faktu tuir prosesu lei

Díli 19 Fevereiru 2024 (RCC) – Tanba hetan impedimentu husi Manuel Tilman, Alzira Ximenes nafatin aprezenta faktu tuir lei hodi halo prosesu lolo’os tuir konstituisaun RDTL.

Iha konferénsia imprensa ne’e, Alzira Ximenes hakarak hato’o ba publiku no governante sira atu nune’e bele halo fiskalizasaun urjente tuir kompeténsia ne’ebé lei atribui ona.

” Ami hato’o ba Governante sira no entidade tomak katak despaisu tribunal judisial de Díli, husi parte PNTL Munisipiu Díli  lakoi ezekuta Despaisu tribunal nian ho karakter urjénsia maka to’o agora Sra.Alzira Ximenes seidauk hetan rezultadu husi prosesu tuir lei ne’ebé iha, tanba ne’e iha dúvida bo’ot mai ami ne’ebé hetan impedimentu husi Dr. Manuel Tilman ne’e ami konsidera la ho fundamentu, ho nune’e hare’e husi sirkuntánsia ne’e ami nafatin aprezenta faktu sira ne’ebé interligadu ho prosesu ne’e tomak”. Dehan nia.

Aleinde ne’e,  Porta-vóz Domingos Belo Ximenes ho Alzira Ximenes halo ona karta pedidu atu bele asegura ba sira nia rai ne’ebé iha área Aimutin maske governante sira sei dauk aplika tuir faktu ne’ebé sira aprezenta tiha ona.

“Ami mós halo tiha ona pedidu atu nune’e sira bele asegura ba iha despaisu ida ne’ebe Xefi komandu fo’o ne’e hodi asegura ami nia direitu ba rai ne’e, maibe bo’ot sira la aplika entaun faktu sira ne’e ami rai hamutuk no agora da-dauk ami fo’o sai ba públiku no ami sei entrega dokumentu sira ne’e ba iha Governante sira.” Dehan Domingos Belo Ximenes.

Tanba ne’e, Porta-vóz Domingos Belo Ximenes rekomenda tebes ba governante sira atu bele hatu’ur justisa lolo’os iha konstituisaun RDTL.

“Nu’udar seguransa do estadu labele konsumu de’it informasaun husi parte ida ninian hodi fo’o difikulta ba públiku nia pensamentu, tanba ne’e fundu rua maka halo balansu bazeia ba lei no desizaun ne’ebe iha.” Hakotu nia.

Jornalista : Adelina Fátima

Editor : Luhamutu

Related Articles

- Advertisement -spot_img

Latest Articles

ARKIVU.
RCC.