27.3 C
Dili
Friday, 14 June 2024
spot_img

PR Congratula Prabowo Subianto  No Sei Konvida Mai Vizita TL

Dili, 19 February 2024 (RCC)- Prezidente Repúblika José Ramos Horta congratula  Prabowo Subianto ne’ebé eleito ba presidente Repúblika Indonésia alem de ne’e sei  konvida mai vizita Timor-Leste depois simu inagurasaun formál no sai  nudar Prezidente eleitu ba Repúblika Indonézia.

Xefe estadu   ba jornalista sira iha Palacio Prezidencial Bairo PiteDili, Segunda -feira ne’e  Prezidente  Parabeniza Prezidente eleitu Prabowo Subianto liu husi via telefoni no hato’o parabens ba nia  ne’ebé mak manán iha eleisaun prezidente Repúblika Indonézia (RI) ba periodo 2024-2029  no prezidente Horta konvida nia atu mai Vizita Timor Leste.

“Ohin loraik ha’u ko’alia ho Prezidente eleito Prabowo Subianto fo parabens ba nia eleisaun no iha eleisaun lenslite manan iha primeiru ronde kedas tanba ne’e   ami nain rua ko’alia nia kontente ho ha’u nia telfonema ha’u konvida prezidente eleitu atu mai vizita Timor leste no nia hateten nia hakarak mai duni, mais ao mesmu tempu  iha  ninia inagurasaun formál depois hare ba tempu karik bainhira pois mak deside”, katak Prezidente Repúblika.

Enkuantu ne’e mós Prezidente eleitu Prabowo Subianto konvida mós prezidente Repúblika José Ramos Horta atu bá vizita Indonézia atu nune’e bele kontinua nafatin hala’o relasaun di’ak  entre rai rua ne’e.

“Nia mós konvida ha’u bá vizita Indonézia no ami nain rua komitmentu para kontinua nafatin relasaun di’ak Timor leste ho Indonézia tanba Prezidente Prabowo ema ida ne’ebé koñese di’ak Timor leste no  nia iha sentimentu di’ak ba Timor leste”, hatutan Prezidente Repúblika.

Aliende ne’e mós Prabowo  haruka Prezidente Repúblika hato’o komprimentus ba Xanana ne’ebé nia koñese,

 “no ha’u fiar katak nia relasaun ne’ebé di’ak tiha ona ho Prezidente Widodo no mós  Prezidente sira seluk ne’ebé  uluk sira hotu  fo  kontribui maka’as ho Prezidente Repúblika  no Primeiru Ministru iha Timor Leste hodi   hatudu ba rai hoti_hotu  katak  relasaun entre rai rua ne’e sai  ezemplar ka di’ak  tantu ne’e mak ami ko’alia”, hakotu Prezidente Repúblika.

Jornalista : Tonia Neto

Editor        : Luhamutu

Related Articles

- Advertisement -spot_img

Latest Articles

ARKIVU.
RCC.