Dili 19 fevereiru 2024 (RCC)- Relasiona ho udan bo’ot ne’ebe akontese iha sesta loraik, loron 17 fulan ida ne’e, rejulta moru eskola teknika vokasional bekora hetan estragus no be’e nakonu iha edefisio eskola
Iha intervista Xefe Gavinete Apoiu Tekniku, Duarte da Costa hatene inundasaun ne’ebé akontese iha eskola refere kauza husi kompaña ne’ebé fakar rai no taka netik be’e dalan hodi hamosu be’e nalihun iha eskola laran.
“Udan nebe akontese iha sesta loraik ne’e afeta duni ba eskola, liuliu iha Departamentu kontrusaun sivil nian, Be’e tama tambá kauza husi kompaña IGE husi Ministeru obras Publika ne’ebé mai fakar netik rai iha Portaun oin ne’ebá entaun halo be’e sai ladiak, maka Be’e tama fali de’it mai eskola laran, uluk sira seidauk fakar ne’e be’e halai tuir de’it nia dalan no la afeta ba eskola, Iha sesta loraik ne’e Be’e tama iha eskola laran maibe la Estraga sasan ruma, iha professor no estudante balun maka kuru sai Be’e ne’ebe iha eskola laran no sira fila ba uma Tuku 9 kalan” Hateten Xefe Gavinete Apoiu Tekniku, Duarte da Costa
Aleinde ne’e nia hatutan iha sesta loraik ne’e prosesu aprendijajen pendente tanba eskola laran be’e nakonu.
“Iha sesta loraik ne’e Materia la la’o tambá kestaun udan no ami haruka estudante sira fila tambá eskola laran Be’e nakonu, no ami Husu liuliu ba Paste Ministeriu obras Publiku atu haruka kompania mai Suru sai tia Rai ne’ebe sira fakar netik iha Be’e dalan ne’e, atu nune’e iba tempu udan labele afeta fali ba Eskola” Hatutan husi Xefe Gavinete Apoiu Tekniku
Nia hatutan Iha sesta loraik Udan bo’ot ne’e, Be’e husi foho leten tun makas no estraga Moru eskola nian tanba Be’e ne’ebe mai ho Velosidade makas.
“sesta loraik udan bo’ot ne’e, be’e husi foho leten ne’ebá tun makas no estraga Moru eskola nian, tanba Be’e ne’ebe mai ho velosidade maka’as no udan ne’e mai kleur, fatuk ne’ebe kompania sira halo ne’e monu tun no balun Be’e lalin, Ami hein husi parte governu atu mai hadi’a liuliu parte ministeriu edukasaun no eskola mos iha ona planu atu hadi’a fila fali moru ne’ebe mak estraga” nia Salienta.
Iha Fatin hanesan Estudante ESTV, Franselina Almedia, mos Husu Ministeriu Obras Publika atu haruka kompaña ne’ebé fakar netik Rai iha be’e dalan atu toma Responsavel ba buat ne’ebé sira halo atu nunee iha tempu udan sira labele sai Vitima.
“Iha Sesta loraik ne’e ami aula laiha professor sira haruka ami fila fali de’it ba Uma, tanba udan Bo’ot no be’e tama hotu iha ami nia eskola, hanesan estudante hakarak husu ba Iha parte governo atu haruka kompania ne’ebe fakar netik rai iha portaun oin ne’e atu mai Suru sai tia rai ne’ebé sira fakar ne’e atu nunee udan fali karik Lalika estraga tan ami nia eskola” haktuir Estudante Franselina
Jornalista : Anita Vaz
Editor : Luhamutu
