Dili, 20 Fevereiru 2024 (RCC)_Prezidente Parlamentu Nasionál Fernanda Lay Hasoru malu ho Prezidente Repúblika José Ramos Horta hodi relata kona ba lalaok progresu sira iha Parlamentu Nasionál.
Iha intervista ho Prezidente Parlamentu Nasionál (PPN) Fernanda Lay iha Palacio Prezidensiál Bairo Pite, Dili iha Tersa-feira horseik haktuir ba jornalista sira katak progresu sira ne’ebé hala’o iha Parlamentu Nasionál kona ba Parlamentu halo saida hodi relata ba PR atu nune’e bele fahe servisu ne’ebé mak sei ba hala’o iha Abu Dhabi, Tanba Prezidente Repúblika no parlamentu mós iha konvite tanba ne’e mak mai konsulta ho Prezidente Repúblika, informa Prezidente Parlamentu Nasionál Fernanda Lay.
“Enkontru ohin ho Prezidente da Repúblika ohin ami bele hato’o progresu sira iha Parlamentu no Parlamentu halo saida no mós ida ikus mak komú atu ba Abu Dhabi tanba falta reorganizasaun ne’ebé ha’u mai konsulta para hodi bele fahe servisu tanba Prezidente mós ba iha konvite no mai Parlamentu mós ba ne’ebe ami hare saida maka ami atu halo iha ne’ebá ami sedauk hatene lolos, maibé ha’u garante Prezidente Repúblika katak sei iha briefing antes delegasaun Parlamentu nian ne’ebé sei araka husi Dili iha loron 22, hateten PPN Fernanda Lay.”
Entertantu iha ne’ebá papel saida mak ami atu halo ida ne’e mak sei hakarak hatene husi komisaun organizadora ne’ebé mai husi Ministru Koordenador ba Asuntu Ekonómika (MKAE) ne’ebé sei fó briefing ami no ultimu briefing antes sai husi Timor, hakotu PPN Fernanda Lay.
Jornalista : Tonia Neto
Editor : Luhamutu
