25.7 C
Dili
Thursday, 20 June 2024
spot_img

Vendedores Husi Merkadu Aimutin Sente Triste Tanba governu sulan hamutuk negosiante sira iha Merkadu Manleuana

Dili 22 Fevereiru 2024 (RCC) – Relasiona ho programa husi Sekretariu Estadu Toponónia Urbana, Germano Santa Brites Dias ne’ebé lidera ekipa hodi sobu baraka OB Aimutin, Vendedor sira sente triste.

Iha intervista ne’e, Vendedora Elvira Álves de Jesus hateten ba Jornalista RCC katak, tanba Vendedor barak maka muda mai iha merkadu Manleuana, tanba ne’e ami husi Aimutin hakarak ka lakoi tenke fa’an hamutuk nafatin iha fatin ida.

“Tanba Vendedores barak maka mai iha iha fatin ida ne’e, hakarak ka lakoi ami Aimutin tenke fa’an hamutuk iha fatin ida. Tanba estadu hasai ami urjente estadu mós tenke prepara fatin urjente ba ami, antes ne’e avisu ka mai fo’o karta ruma mai ami atu nune’e ami mós bele hatene ka, maibe laiha derepende de’it mai avisu katak loron tolu ne’e tenke hamamuk  fatin ne’e no ami prontu tanba ami vendedor husi Aimutin konserta ho tenke governu no lei nia okos, maibe estadu mós tenke komprende ami povu nia moris lor-loron ne’e”.

Tanba ne’e Vendedora Elvira rekomenda ba governante sira katak, Vendedor sira prontu atu muda ba ne’ebé, maibe governu tenke prepara fatin ne’ebé dignu ba vendedor sira hodi fa’an.

“Estadu tenke fo’o fatin ba  ami, fatin atu rai mamuk ka atu hanusa mós ami prontu, atu mai hadi’a de’it mós ami prontu, maibé estadu tenke kria fatin mai ami, tanba ami la presiza estadu atu fo’o osan mai ami maibe ami presiza de’it estadu atu fo’o fatin mai ami tanba estadu hasai ami ho urjentemente.” Dehan Vendedora Elvira Álves.

Iha sorin seluk, Vendedór Vítor dos Santos hatutan, antes ne’e husi parte SETOU fo’o hatene ona maibé seida’uk klaru no derepende sira mai sobu de’it.

” Antes ne’e ekipa husi Sekretáriu Estadu Toponónia Organizaun Urbana mai hato’o tiha ona maibé seida’uk klaru entaun  ami la muda no derepende sira mai sobu no muda fali ba Merkadu Manleu, maibé fatin laiha ami sei tau de’it iha fatin ne’ebé Bemo halai ba. Tanba ita nia estadu maka wainhira haruka ami sai tenke sai nonok de’it no la bele kontra maibé tenke kria mós fatin di’ak mai ami hodi muda ba”, Dehan Vítor dos Santos.

Hatan ba kestaun ne’e, Diretór Jestaun Merkadu Turísmu Munisípiu Díli, Altur Henriques hateten, sei hare’e fila fali ba dádus ne’ebé iha hodi koloka Vendedór sira tuir ida-idak nia fatin.

Ami tu’ur hamutuk hodi hare’e dádaus ne’e, tanba liu husi dádus ne’e mós manipuladu, ema ne’ebe mate tiha ona mós naran iha no balun  fatin iha ne’e iha hela mós naran tama hotu iha lista, tanba ne’e maka ami haruka Vendedór sira hein oituan lai atu nune’e ami bele identifika lai dádus ne’e ho lolo’os tanba dalaruma ema ne’ebé durante fa’an ne’e naran laiha fali no ema ida nunka fa’an ne’e naran maka iha fali”. Hakotu Artur Henriques.

Jornalista : Adelina Fatima

Editor : Luhamutu

Related Articles

- Advertisement -spot_img

Latest Articles

ARKIVU.
RCC.