25.7 C
Dili
Thursday, 20 June 2024
spot_img

Durante Semana Ida Autoriedade Protesaun Civil Rejistu Dezastre Hamutuk 125 No Ema Ida Lakon Vida

Dili 26 Fevereiru 2024 (RCC)-Autoriedade Protesaun Civil (APC) Halo Konferensia Hodi Atualiza Informasaun ba Publiku Relasiona Ho Akontesimentu Iha Territoriu Laran Tomak Durante Semana Ida Hahu Loron 20 To’o 26 Fulam Fevereiru Tinan Ne’e.

Xefe Seksaun Relasaun  Eskterior Nelson Nunes de Orleans Informa durante semana ida husu Apc rejista kazu dezastre hamutuk atus ida ruanulu resin lima iha teritoriu laran tomak, no husi Janeiru to’o Fevereiru tinan ne’e vitima mil resin mak hetan estragus. 

“Hahu husi loron 20 to’o 26 tinan ne’e durante iha semana ne’e rejiaun timor-leste situasaun normal no akontese tipu dezastre mak autoriedade protesaun civil rejista xefe familia hamutuk 125 mak hetan estragus no ema ida lakon vida, iha munisipiu sira hanesan, munisipiu Aileu anin sobu uma ida, Baucau anin sobu uma sanulu resin rua, Covalima ahi han uma ida, Ermera anin sobu uma tolu no rai halai uma ida, RAEOA be’e sae uma hamutuk 102 no ema ida lakon vida, Viqueque anin uma lima, tuir informasaun ba iha munisipiu sira hotu hetan ona apoiu  emerjensia no ai han ba vitima sira, husi janeiru to’o fevereiru total hamutuk mil resin mak hetan estragus”. Hateten Xefe Seksaun Iha salaun APC Kaikoli Dili  

Nia subliña autoriedade protesaun sei halo verifiksaun depois mak halo rekooperasaun ba uma vitima sira nian, apc iha sentru evakuasaun ba vitima dezastre iha fatin rua de’it, no husu ba komunidade sira bainhira udan labele haris iha mota no hadok-an husi fatin risku sira.

“Parte sistema husi autoriedade protesaun civil nian dadus sira ne’e mai hotu iha apc depois entre diresaun nasional hodi halo rekooperasaun ba uma vitima sira, husi diresaun jestaun risku dezastre mak sei halo apoiu diretamente ba vitima, ema ida ne’ebé lakon vida kauza husi inundasaun iha Raeoa, ami iha sentru evakuasaun iha munisipiu rua de’it Viqueque ho Suai iha parte seluk seidauk iha entaun ami sei lori ba iha fatin ne’ebé mak seguru no do’ok husi inundasaun,  vitima ne’ebé mak hetan dezastre tenki hetan responsde emerjensia hanesan aihan nomos la’os aihan, ida rekooperasaun ami sei halo verifikasaun dadus, ami servisu hamutuk ho Bombeiros, Jestaun risku dezastre no estatal  tun hamutuk hodi halo kedas atuasaun no ho base dadus ba vitima ne’ebé mak hetan dezastre, nafatin foti dadus kona-ba risku dezastre ne’ebé mak hela besik foho lolon, ita atu hasai mos tenki ko’alia ho autoriedade lokal sira tamba labele de’it ema sai, nafatin fó aviza ba komunidade sira maibé depende ba komunidade nia hanoin karik fatin ne’e risku ita bele hases-an ba fatin ne’ebé mak seguru, no alerta ba komunidade sira bainhira udan labele haris iha mota no prevene an mak importante tebes”. Nia Hakotu

Jornalista : Leo Alves

Editor       : Luhamutu

Related Articles

- Advertisement -spot_img

Latest Articles

ARKIVU.
RCC.