DILI 27 DE FEVREIRU 2024 (RCC) COMIÇÃO NACIONAL ELEIÇÕES HALA’O WORSHOP HO NIA TEMATIKU “ELABORASAUN MATERIA EDUKASAUN SÍVIKA HO NIA MEKANISMU
Iha entrevista ho Prezidente Comissão Nacional Eleições José Agostinho Belo Pereira hateten ohin ita abertura ba iha worshop ida ne’e atu hanesan programa importante ida tanba ita hare’e katak eleisaun sira tuir mai ne’e ita tenke prepara ho diak ita hare’e katak lei iha ona entaun tenke iha preparasaun ne’ebe maka di’ak ba iha ita nia eleisaun ne’ebé maka sei mai iha tempu badak nian laran
“Cne iha hanoin katak antes atu tama ba iha ambitu eleisaun ne’e iha uluk worshop hanesan ne’e atu nune’e bele prepara diak liu tan haree ba iha eleisaun ne’e tanba papel cne nian mak atu esklarese servisu independente ba iha publiku sira liuliu ba iha partidu politiku sira nomos sosiedade sira iha munisipiu sira hotu inklui RAEO”
Prezidente hatutan ohin iha worshop ne’e partisipa husi diretor/a sira husi munisipiu sira hotu inklui mos RAEO atu bele fahe ba sira konaba materia ne’ebé maka iha ona no espera katak sira sei ezekuta tuir materia ne’ebé sira deside ona iha diskusaun orsida sei tuir mai. Informa Prezidente CNE
Iha sorin seluk hatutan husi Diretora Melina Dos Reis CNE Munisipiu Manufahi hateten sente orgullu ho CNE tanba ohin bele hala’o worshop ida ne’e atu bele identifika pontu sira no fo mos treinamentu ba iha diretor/a sira husi munisipiu ninian hodi prepara a’an ba iha eleisaun munisipiu nian iha tempu badak hanesan ohin prezidente CNE ko’alia ona.
“Pontu importante ne’ebé maka ohin ami hala’o diskusaun maka iha pontu tolu ne’ebé maka importante maka hanesan primeiru maka ami identifika lai alvu sira, pontu rua maka maneira ka resepsaun ida seluk maka ko’alia liu ba iha nivel ajenda ninian atu nune’e ami bele prepara a’an didi’ak no hatene mos kona-ba maneira ka ajenda sai maka iha nivel atu ami bele tun diretamente”
Diretora ne’e akresenta espetativa husi worshop ida ne’e oinsa ami bele ezekuta iha munisipiu ida-idak atu nune’e ami bele transforma sai ba ita nia sosiedade sira hotu konaba CNE nia servisu ne’ebé maka durante ne’e CNE halao ona iha ambitu eleisaun ka antes de ambitu eleisaun nian. Hakotu diretora
Jornalista : Mika Silva
Editor : Luhamutu
