Díli, 4 Marsu 2024 (RCC) – Relasiona ho serimónia fo’o tomada pose ba kargus diretores no Xefias Ministériu Komérsiu no Indústria nian ne’e atu kontribui ba determinasaun no responsabilidade bo’ot ba povu no nasaun ida ne’e.
Iha diskursu ne’e Prezidente Interinu, Komisaun Funsaun Pulúblika ( CFP), Agapito da Conceição hateten, atu hari’i Funsaun públika ida tenke ho baze permanente no organizadu.
“Atu hari’i Funsaun públika ida tenke ho baze permanente no organizadu, ne’ebé komisaun iha dever no direitu hodi kontribui ba determinasaun no responsabilidade atu fo’o tomada pose ba administrador sira ne’e, la’os oportunidade, maibé ho responsabilidade ne’ebé determina iha ona programa governu konstitusional da IX nian, atu alkansa objetivu ida ne’e, tenke kombate atetude balun ne’ebé la di’ak, liu-liu iha atetude imobilidade no atetude fuga responsabilidade nian tanba funsionáriu barak hatoman a’an atu halo asaun bainhira hetan kedas orden no bainhira hetan supervizaun husi superior sira”, Nia informa.
Aleinde ne’e, Agapito hatutan Funsionáriu sira tenke iha kapasidade atu hamosu inisiativa hodi halo orasaun rasik atu hala’o sira nia kana’ar hodi hamosu sentimentu Nasionalismu.
“Funsionariu sira tenke iha kapasidade atu hamosu inisiativa hodi halo orasaun rasik mínimu tebes ba administrador sira ne’ebé ho dever atu hala’o sira nia kana’ar hodi uza abilidade Jestaun no lideransa nian ho didi’ak atu bele hamosu sentimentu Nasionalismu”, Nia deklara.
Iha sorin seluk, Ministru Komérsiu Indústria (MKI), Nino Pereira lori Governu nia naran no Ministériu komersial no Indústria hato’o mo’os parabéns ba maluk sira ne’ebé ohin simu kargus diresaun.
“Ha’u lori Governu nia naran no membru partikular Ministériu Komérsiu no Indústria nian hato’o Parabéns ba maluk sira ne’ebé simu kana’ar foun kargu diresaun nasional no Xefias, hetan kana’ar foun tanba hetan konfiansa husi governou no husi ministériu rasik lá se’es mós husi méritu ne’ebé imi iha, iha meritu tanba iha esperiésia no matenek. Iha tinan lubuk nia laran imi barak mak hatene no atende di’ak saída mak komersiu, saída mak Indústria, saída mak setor privadu no enjeral nu’udar papél ministériu nian hanesan instituisaun estadu no iha kontekstu institutu nasional ho tema nasionalidade difisiénsia no finanseiru”.
Iha biban ne’e , Nino Pereira husu ba kargu diresaun no mo’os Xefia foun sira ne’ebé simu kna’ar ida ne’e diferente simu rota.
“Ha’u afirma ba ita bo’ot sira katak, simu kna’ar ida ne’e diferente ho simu rota, simu kna’ar atu serví no simu rota atu ukun. Hanesan kargus diresaun no xefias nia misaun prinsipal maka hala’o servisu ho matenek, bada’en nian ho fuan atu serví ita nia povu no nasaun domin ida ne’e, katak assume kargus sira ne’e la’os mo’os oportunidade atu buka previléjiu no prestíjiu maibé esensiál maka oinsá hala’o ho resposabilidade serví, responsivu tuir prínsipiu administrasaun públika ho di’ak , efetivu, efikásia hodi prodúz rezultadu ho orientasaun rezultadu. Tanba ida ne’e sagradu ezije responsabilidade ne’ebé bo’ot iha ita bo’ot sira nia kaba’as atu serví povu no nasaun ne’ebé hanaran RDTL ida ne’e. Tanba ne’e ho papél bo’ot iha prosesu dezenvolvimentu adezaun Timor-Leste sai membru plenu nian iha abu Dhabi ne’ebe ofisializa iha loron 26 fulan fevereiru 2024, no MKI mo’os prodúz ona lei organika kona-ba dekretu lei ne’ebe ligadu ho komérsiu no indústria fundamental liu hodi prodúz polítika nasional dezenvolvementu indústria no seluk tan. Hakotu nia.
Jornalista : Adelina Fátima
Editor : Luhamutu
