Dili, 06 Marsu 2024 (RCC)_Embaixador Tailandia Iha Timor Leste Atipat Rojanapaibulya intrega Kredensial ba Prezidente Republika Jose Ramos Horta atu halo oinsa hodi kumpri dezenvolvimentu Timor Leste ninian ho kooperasaun Tailandia.
Iha intervista ho Ministru Negósius Estranjeirus no Kooperasaun (MNEK) Interinu, Agio Pereira iha Palacio presidensial Bairo Pite Dili,.hato’o ba jornalista sira iha loron Tersa feira katak, embaixador Tailandia nian mai Timor Leste intrega kredensial ba Prezidente Republika tanba nudar embaixador foun ne’ebe simu mandatu tenke aprezenta ba Xefe Estadu.
“Embaixador Tailandia nian intrega kredensial ba Prezidente Republika, hanesan baibain embaixador sira kuandu foun simu sira nia mandatu hahu ona ohin, tanba kredensial nia aprezenta ona ba ita nia xefe do estado, hatete Agio Pereira.”
Maske nune’e embaixador mos iha ideias no plano oinsa atu kumpri hodi hala’o dezenvolvimentu entre Timor Leste ho Tailandia ne’ebe sei foka liu ba iha area edukasaun, agrikultura no meu ambiente.
“Nune’e embaixador mos iha nia iha ideias, nia planu atu halo oinsa mak nia atu kumpri dezenvolvimentu Timor Leste ninian ho koperasaun Tailandia foka iha areas barbarak hanesan edukasaun, agrikultura meu ambiente ne’ebe ohin loron modernu ba mundu hotu_hotu koalia meu ambiente, hatutan Agio Pereira.”
Entertantu mandatu husi embaixador ne’e rasik sei kontinua koopera hamutuk ho Governu Timor Leste no Prezidente Republika atu reforsa liu tan relasaun diak entre Republika Demokratika Timor Leste ho Reinu Tailandia.
“Embaixador nia mandatu ne’e nia sei koopera mos Governu ho Prezidente da Republika, para atu reforsa relasaun entre estadu rua nee, Republika Demokratika Timor Leste ho Reinu de Tailandia, hakotu Agio Pereira.”
Jornalista : Tonia Neto
Editor : Luhamutu
