Dili 07 marsu 2024 (RCC) Forum Organizasaun Naun Governamental Timor-Leste (FONGTIL) hala’o asembleia jeral anual hodi halo reflesaun ba atividade ne’ebe uluk halo bazeia ba matadalan fongtil nian.
Iha Entrevista ho Presidente Fiskal FONGTIL Inoçencio de Jesus Xavier Hateten Atividade Ne’e Hala’o Hodi Hare’e ba Servisu Iha Tempu Invazaun Nian Saida Mak FONGTIL Aposta no Iha Faze Ukun A’an Ne’e Saida Mak Halo Ona Liuhusi Alinha Matadalan FONGTIL Nian.
“Ohin ita ko’alia kona-ba asuntus sira iha anterior ne’ebe iha invazaun nian kona-ba saida mak fongtil aposta no iha faze ukun rasik-an ne’e, saida mak ita halo ona liuhusi ita nia matadalan ne’ebé iha ona, fongtil nian mak ita ko’alia kona-ba kapasitasaun, kordenasaun,dezaminasaun no advokasia, no ami hatene fongtil ida uluk ne’e halo to’o ona iha ne’ebé, agora dadaun ne’e, fongtil iha ne’ebé ona, ba futuru fongtil atu ba ne’ebé, ami refleta ba rezultadu, no rezultadu ne’ebé aposta iha mandatu fongtil nian ne’ebe atu atinje ba planu estratejiku fongtil nian ne’ebe liga ho servisu sira ne’ebe fornesimentu husi membru sira iha kraik hodi halo sira nia servisu ho diak liu tan, hanesan fasilita kordenasaun enkontru sira iha nivel nasional ho rejional sira.”dehan presidente fontil iha salaun Canossa has-laran manleuana.
Nia akresenta sosiedade sivil sira tenke servisu hamutuk ba paz no estabiidade ba rai sira, entaun fongtil la’os servisu de’it
“fongtil mos halo nia relasaun bilateral no multilateral iha rejiaun sudueste aziatiku no mos inklui iha Comunidade dos paises da lingua portugueza (CPLP) ne’e duni sosiedade sivil sira tenke servisu hamutuk ba paz no estabiidade ba rai sira, entaun fongtil la’os servisu de’it, tamba ne’e mak ami halo reflesaun ida ne’e hodi hatene fali ami to’o ona iha ne’ebe, no fongtil ne’e atu halo saida no prepara ba future, saida mak fongtil tenke halo, entaun husi enkontru ida ohin mak atu determina fali hodi lori ida prezente ne’e ba futuru entaun ne’e mandatu tuir estatutu fongtil nian, ne’e duni bu’at hotu sei desidi iha asembleia annual, membru sira mak desidi hodi bele fo kbi’it ba sekretariadu hodi bele hetan akompañamentu husi konsellu atu bele halo supervizaun ba sekretariadu nia funsionamentu loron-loron.”nia deklaara
Iha sorin seluk director ezekutivu servisu apoiu sociedade sivil no auditoria sosial (sascas sigla portugués) Joaquin da costa freita hateten hanesan reprezentante gabinete apoiu sosiedade sivil sempre fo apoiu moral ba fontil liu husi teknika, no finansiamentu balun hodi nune’e asembleia ne’e bele iha progressu
“Reflesaun sira ne’ebe sira ko’alia iha ne’eba ita hare esperensia ba pasadu, prezente no ba futuru, normalmente asembleia sempre ko’alia kona-ba sira nia estatutu nomos ko’alia kona-ba sira simu membru foun, ne’e duni hanesan reprezentante gabinete apoiu sosiedade sivil mai halo abertura fo de’it apoiu moral, apoiu tekniku, no finansiamentu balun hodi nune’e asembleia ne’e iha nia progressu nomos sira bele hasai rezolusaun sira ne’ebé mak kontribui ba dezemvolvimentu organizasaun sosiedade sivil ne’e rasik, nune’e mos kontribui ba dezemvolvimentu nasional no bele sai parseiru di’ak ho governu hodi ativu liu iha prosesu dezemvolvimentu ba nasaun ida ne’e.” Nia Hatutan
Director mensiona tan katak agora dadaun sascas simu proposta hamutuk rihun rua (2000) no iha tempu badak proposta hirak ne’e ekipa ida sei lori ba halo selesaun no iha selesaun ne’e mos sei envolve mos Ministerio relevante sira hodi nune’e foti desizaun ba proposta ne’ebe iha.
Jornalista: Sergio Borges
Editor: luhamutu
