Dili, 08 Março 2024 (RCC) Laurindu Do Santos no Hilarina Monis Nu’udar ema vendedor ne’ebe kada loron fa’an sasan tuir dalan ninin hodi bele sustenta nesesidade uma laran nian.
Ba Jornalista Rádio Comunidade Comoro, iha Segunda-feira ne’e vendedór ambulante ne’ebe kada loron buka moris iha dalan ninin konta katak
“Kona-bá prosesu ami halo rotan ne’e armari ho rak bikan loron rua ami bele hetan ida maibe kona-bá material sira ne’ebé uza hodi halo ne’e mak ami sosa hotu hanesan rotan bo’ot rotan ki’ik pregu vernis Gazolina sasan hirak ne’e ami sosa hotu kona-ba sasan hirak ne’e nia folin pregu ami sosa husi 1 Cm to 5 Cm no vernis ami sosa lata ki’ik ho lata bo’ot nia folin la hanesan, lata bo’ot ida nia folin 7 dollar no lata ki’ik ida 3,50 dollar tolu centavus lima nulu, Ami atu halo iha dili ne’e maibe fatin mak laiha no ema atu sosa ne’e mos kleur ne’e duni ami tenke lori la’o atu nune’e ema bele hola lalais, tamba ha’u mos iha oan ba eskola ne’e duni ita labele tur hakmatek iha uma.Bainhira ami fa’an la’o tuir dalan to’o tempu diak ida ema sosa netik rua ka tolu no dala ruma ema la sosa, hanesan ami fa’an sasan hanesan ortorio ida 10 dollar no rak ka armari ami fa’an ida 20 dollar bainhira ema la hola ami hatun ba 15 dollar. Rotan ne’e ami halo husi Manatuto laklubar mak lori mai dili.”dehan laurindu
Nia akresenta tan katak sasan hirak ne’ebé lori lao tama sai iha dili laran bainhira hotu mak fila-fali ba laklubar no bainhira seidauk hotu iha ne’e to’o semana ida ka semana rua fa’an to’o hotu mak foin fila.
“sasan hirak ne’ebé mak ami lori tun husi laklubar mai dili ne’e ami tau deit iha familia sira nia uma depois mak ami lori la’o tama sai iha dili laran bainhira hotu ami fila-fali ba laklubar no bainhira seidauk hotu ami iha ne’e to’o semana ida ka semana rua fa’an to hotu mak ami foin fila, ami la hela metin iha ne’e. tamba labarik sira iha laklubar mos eskola entaun sira mos presija hanesan 1dolar ka 2 dolar hodi fo ba sira hodi hola sira nia presija no selu sira nia eskola, no ha’u iha oan na’in hitu” nia hakotu
iha sorin seluk Hilarina Monis hanesan vendedora iha merkadu kampung baru ho idade 50 ba jornalista katak nia fa’an batar da’an iha merkadu kampung baru durante tinan ha’at nia laran hodi sustenta familia no haruka oan ba eskola maske ho idade ne’ebé avansadu obrigatoriamente nia tenke halo’o negosiu ki’ik sira.
“ha’u hahu fa’an batar fai da’an ne’ebe hahu iha tinan ha’at ona batar ne’eeb fa’an mak hanesan batar da’an tasak nanis ona no iha laran tau hanesan lakeru tahan ho nia fuan koto aidila fuan ki’ik fore no seluk tan ha’u fa’an iha ne’e bainhira ema mai sosa ema han kedan iha ne’e bikan ida nakonu entaun dollar ida no la nakonu entaun 50 centavos de’it, karik ema mai hola atu lori entaun ha’u tau iha plastic mutin masin-midar nian ne’e no tau tuir nia folin ne’ebé iha, 50 centavus tau ketak no dollar ida nian tau ketak hanesan mos ho nasi bungkus ne’ebe ema fa’an iha dalan ninin ne’e”. dehan Hilaria merkadu Kampung Baru.
Nia akresenta tan katak kona-ba batar da’an ne’ebé fa’an ne’e kada loron fa’an de’it 15 dollar no 10 dollar nian de’it tamba dalaruma ena hola la hotu, no nia sempre ajuda nia laen fa’an SDSB bainhira nia laen ba tia foho.
“Loron-loron ha’u babain fa’an batar da’an ne’e 15 dolar no dalaruma 10 dollar nian de’it tamba bainhira ema ema hola la hotu entaun hau lori fali ba uma hodi han, no ha’u sempre ajuda ha’u nia katuas oan fa’an sdsb iha ne’e bainhira nia ba tia foho,no dalaruma ha’u nia oan feto ikun maka ajuda ha’u fa’an batar da’an ne’ebe, husi batar da’an ne’ebé ha’u fa’an ha’u hodi sustenta ha’u nia oan sir aba eskola hola sasan ne’ebe presija iha uma laran maske ita tinan bo’ot 50 ona maibe ita nia oan eskola ne’e ita mak tenke halo tun halo sa’e fa’an sasan hodi hodi hetan osan maske itas nia idade avansadu no ferik ona’’ nia hakotu
Jornalista: Sergio Borges
Editor : Luhamutu
