25.7 C
Dili
Thursday, 20 June 2024
spot_img

Autoridade Protesaun Sivil Rejista Uma Kain 17 ne’ebé afeitadu Ba Dezastre Naturais

Dili, 11 Marsu 2024 (RCC) – Relasiona ho dezastre naturais ne’ebé afeitadu ba komunidade sira iha Teritoriu timor laran tomak hahu’u  husi loron 5 to’o 11 Marsu 2024 ,tipu dezastre mak hanesan  ahi han uma, be’e sa’e no anin sobu uma

Iha koferénsia imprensa ne’e porta-vóz  João de Sousa Filipe aprezenta katak kada semana Autoridade Protesaun Sivil natafin halo atualizasaun dadus husi Munisípiu  sira hodi fó sai ba públiku.

‘’Kada semana APC nafatin halo atualizasaun dadús  husi munisipiu ne’ebé komandu Sentru Operasional Autoridade Protesaun Sivil hodi  kanaliza ba públiku, dadús ne’ebé  maka iha hahu’u husi loron 5 to’o 11 marsu 2024, akontesimentu  durate semana ida nian ne’ebé maka akontesimentu iha tipu dezastre Sentru Operasional ka APC sempre akumula servisu iha 24 oras. APC rezistu uma kain hamutuk 17 maka afeitadu ba dezastre ne’ebé maka iha,  liu-liu iha Munisípiu sira hanesan  Munisípiu Aileu anin sobu uma kain 5,  Ataúro anin sobu uma kain 2, Baucau anin sobu uma kain 4, Kova-lima anin sobu uma kain 1, Ermera ahi han uma kain 1, Manufahi inundasaun ka Be’e  tama  uma kain 5, no RAEOA iha uma kain 1 maka anin sobu. Tanba ne’e Komandu Autoridade Protesaun Sivil ho parseiru sira nafatin servisu hamutuk hodi halo apoiu levantamentu dadús ba akontesimentu ne’ebé  ohin ha’u mensiona. Ho nune’e akontesimentu ne’ebé  maka iha liu husi monitorizasaun APC hodi servisu hamutuk ho DNMJ katak husu ba metodolóJia ne’ebé maka iha husu nafatin ba komunidade sira hodi hase’es a’an husi fatin risku hanesan mota ninin, liu-liu ba sira ne’ebé hela iha mota ninin ka foho lolon ne’e wainhira anin bo’ot  no liu-liu ba sira ne’ebé liga eletrisidade illegal,  tanba ida ne’e maka sempre sirkuitu ka no mosu ahi han uma, no mo’os  ita tenke asegura ita nia dokumentu sira ne’ebé maka importante ba ita nia a’an, tanba ne’e dadus ne’ebé maka foin dau-dauk akontesimentu iha semana ida ne’e anin sobu maka makas liu hamutuk uma kain 11, tuir fali maka akontesimentu Be’e sa’e ka Be’e tama uma, no mo’os akontesimentu Ahi- han uma, akontesimentu ne’ebé maka  iha semana ne’e akontese dezastre iha tipu 3 de’it maka hanesan anin bo’ot, be’e sa’e ka be’e tama uma no ahi han uma.  Akontesimentu ne’ebé maka iha postu ka inskrisaun ne’ebé maka iha  postu administrativu sira,  liu-liu iha postu administrativu Aileu vila no postu administrativu Remexiu, munisipiu Ataúro maka postu administrativu vila, Baukau maka iha postu administrativu Baguia no Baucau vila, akontesimentu iha munisípiu maka postu adminitrativu foho Rem ida de’it, iha ermera maka iha hatolia A, Kovalima akontesimentu iha postu administrativu Alas, no RAEOA iha postu Pante Makasar maka hetan akontesimentu,’’ porta-vóz João de Sousa Filipe informa liu husi konferénsia imprensa ba Jornalista sira iha fatin APC kaikoli, segunda (11/03/2024).

Aleide ne’e Porta-vóz João de Sousa Filipe informa tan katak  dadús ne’ebé maka Autoridade Protesaun Sivil identifika iha uma kain 17 ne’e, Komandu Autoridade Sivil iha Munisípiu ho parseiru sira halo ona apoiu  emerjénsia.

‘’Dadus ne’ebé maka APC identifika iha uma kain 17 ne’e Komandu Autoridade Sivil sira iha munisípiu ho parseru sira  apoiu  ona emerjénsia  tanba  APC hala’o servisu  24 oras ho seguransa eksterna maka hanesan F-FDTL, PNTL.  APC liga liu ba salva ema nia vida,salva  riku soin no salva ambiente. Tanba ne’e Autoridade protesaun sivil  sempre iha liña koordenasaun tuir parseiru ne’ebé koloka iha Munisípiu 13, sira la’os atu ba komanda iha munisípiu maibé koloka sira iha ne’ebá atu halo servisu hamutuk ho prezidente autoridade iha munisípiu hodi halo liña koordenasaun liga liu ba iha tipu tolu ne’e salva ema nia vida, salva riku soin no salva ambiente. ‘ APC Mo’os transporta nafatin foot no foot item husi Nasional hodi deskarega nafatin iha Munisípiu, tanba kuandu munisípiu maka akontese dezastre ruma la presiza Nasional mak haruka ba maibé iha Munisípiu ne’ebá  bele halo atendimentu imediatamente ,katak ohin akontese sira responde imediantamente ba komunidade ka Vítima sira ne’ebé maka afeitadu ba dezastre ne’e,’’ Nia hakotu.

Jornalista : Adelina Fátima

Editór  : Luhamutu

Related Articles

- Advertisement -spot_img

Latest Articles

ARKIVU.
RCC.