Dili, 12 Marsu 2024 (RCC)_ Atu komemora loron Restaurasaun independensia Timor leste nian ne’ebé sei komemora iha loron 20 fulan Maiu tinan ne’e, maka Ministru Administrasaun Estatal (MAE) hodi mai hato’o ba prezidente Repúblika.
Iha intervista ho Ministru Administrasaun Estatal (MAE) Tomas do Rosario Cabral hafoin remata enkontru ho Prezidente Repúblika José Ramos Horta iha Palacio Prezidensiál Bairo Pite Dili iha loron Tersa feira haktuir ba jornalista sira katak, hasoru malu ho Prezidente Repúblika atu update situasaun administrasaun ninian ba prezidente repúblika nune’e mós ho komemorasaun loron Restaurasaun independensia Timor leste nian ne’ebe sei komemora iha loron 20 fulan Maiu tinan 2024 no oinsá atu hala’o preparasaun hodi komemora loron Restaurasaun ne’e, tanba iha bainaka balun ne’ebé sei mai partisipa iha loron Restaurasaun ida ne’e.
“Enkotru ho Prezidente Repúblika mai informa fila fali no update situasaun administrasaun ninian iha teritóriu tomak inklui mós komemorasaun loron 20 fulan Maiu tinan ida ne’e realiza iha Palasiu Prezidensia Repúblika, tanba iha bainaka balun sei mai husi rai liur husu atu 20 Maio komemora iha Dili no mós halo kalan ba kultura iha sidade hodi komemora 20 de Maiu tinan ida ne’e, informa Tomas Cabral.
Maibé orsamentu ba komemorasaun loron Restaurasaun ne’e seidauk hatene husi komisaun organizadora tanba sedauk iha programa
“Orsamentu ba komemorasaun 20 Maiu ne’e saidauk hatene husi Komisaun Organizadora tanba seidauk iha programa, tenke kria komisaun organizadora ida konjunta ho Komisaun Organizadora Palásiu Prezidensia nian tanba sei vizita mós Altu Autoridade husi Brunei sira mai halo investimentu tanba ne’e maka sei konvoka komisaun konjunta ida husi ministeriu administrasaun estatal nian ho palacio prezidente Repúblika kona ba komemorasaun ida ne’e, haktuir Tomas Cabral.”
Entertantu bainaka sira ne’ebé atu mai vizita no partisipa loron Restaurasaun ida ne’e seidauk konfirmadu
” Bainaka seidauk konfirmadu maibé husu ba Prezidente Repúblika balun mós ami hetan husi Ministru Defeza, militár sira husi Ázia no liurai Brunei mak hakarak atu mai vizita no halo investimentu, hateten Tomas Cabral.”
Aliende ne’e mós ko’alia kona-ba lixu sira iha sidade laran hanesan iha Tasi Tolu, Tibar no Kaikoli ne’ebé mak seidauk distribui
” Ko’alia mós kona ba lixu sira iha sidade laran bara-barak tebe-tebes hanesan iha Tasi Tolu, iha Tibar, no mós iha Kaikoli ekipamentu lixu ne’e barak iha ne’eba, tanbasá mak seidauk distribui, programa ne’e mai husi governu anteriór kontinuasaun nafatin projetu ne’e hela iha autoridade Dili, programa manajementu unit ne’e iha administrasaun Dili tenke aserta ho sira ne’e, sasán foin tama verefikasaun hela nune’e bele distribui ba sidade Dili atu ita komemora 20 Maiu, karik ba oin hotu-hotu bele kontrolla ba lixu ne’e, hatutan Tomas Cabral.
Tanba ne’e informa ba xefe estadu no xefe estadu mós husu lideransa komunitáriu sira liu-liu xefe suku no xefe aldeia sira atu bele kontribui mós ba situasaun ida ne’e tanba valeta sira ne’e nakonu ho plástiku ne’ebe mak sei provoka inundasaun, hakotu Tomas Cabral.
Jornalista : Tonia Neto
Editor : Luhamutu
