27.3 C
Dili
Friday, 14 June 2024
spot_img

IX Governu  Kontinua Hala’o Preparasaun Hodi Simu  Amu Papa Francisco  Mai Visitatimor Leste Iha Tempu Badak Nia Laran

Dili, 14 Marsu 2024 (RCC)_Primeiru Ministru Kay Rala Xanana Gusmão hatete preparasaun simu Papa Francisco Dadaun ne’e la’o hela tanba vizita ne’e akontese iha tinan ida ne’e.

Iha intervista ho Primeiru Ministru Kay Rala Xanana Gusmão hafoin remata enkontru ho Prezidente Repúblika José Ramos Horta iha Palacio Prezidensiál Bairo Pite Dili, iha kinta feira ne’e haktuir ba jornalista sira katak, preparasaun hodi simu Papa Francisco la’o hela no hanesan ita hotu rona katak governu hasai rezolusaun ida tanba vizita ne’e akontese iha tinan ida ne’e, maibe governu seidauk tau osan tanba ne’e mak sei uza fundu kontijensia ne’ebe  aprova tiha ona iha konsellu Ministru, hatete Xanana.

Maibé planu hotu governu no estadu sei hala’o hela  ho reprezentate Vatikanu iha Timor Leste tanba ne’e preparasaun ne’e to’o iha ne’ebé ha’u labele dehan tanba la’ós aban, la’ós fulan oin maibé sei do’ok uitoan tanba ne’e atu dehan preparasaun kontinua la’o nafatin, haktuir Xanana.

Nune’e mós nia hatutan katak, kona ba preparasaun ne’e buat barak tebes maka sei prepara tanba ne’e governu aprova ona osan millaun $ 12 ba vizita Santu Padre nian mai Timor leste tanba ne’e iha fulan Juño ne’e nia laran ekipa husi Vatikanu sei mai fali vizita Timor leste atu  hare saida de’it mak ita prepara atu simu Papa Francisco, katak Xanana.

Enkuantu iha vizita Papa Francisco nian mai Timor Leste ne’e atu ba Tasi Tolu mós ekipa husi Vatikanu mak sei halo dezeñu no buat sira ne’e hotu atu ita la’o tuir, hakotu Xanana.

Jornalista : Tonia Neto

Editor : Luhamutu

Related Articles

- Advertisement -spot_img

Latest Articles

ARKIVU.
RCC.