Dili, 13 Marsu 2024 (RCC)_ Prezidente Repúblika José Ramos Horta Fo Posse Ba Embaixador Designadu Nain Rua, Ida Ba Repúblika Cuba Nune’e Mós Embaixadora Dezignadu Ida Seluk Ba CPLP (Sigla Portugés Comunidade Dos Paises De Lingua Portuguesa).
Iha Intervista Ho Vise Ministra Asuntu Asean, Milena Rangel Haktuir Ba Jornalista Sira Hafoin Remata Partisipa Tomada Posse Ba Embaixadora Dezignadu Nain Rua Ne’ebé Hala’o Kna’ar Ba República Cubano Mos Ba Cplp
“Ohin senhor Prezidente Repúblika (PR), Jose Ramos Horta fo pose ba embaixador nain rua embaixadór Dezignadu ba República Cuba, Sr. Nívio Magalhães no Embaixadora Dezignadu ba CPLP, Sra. Laura Abrantes no ita hatene katak iha faz parte iha organizasaun CPLP hanesan pais da linguajem portugueza no mos ita iha relasaun forte tebe-tebes ho Cuba, kooperasaun entre Cuba ho Timor-Leste iha barak tebes, inklui iha saude, edukasaun no mos seluk-seluk tan.Tanba nee, presiza tebes-tebes presenza embaixador foun hodi troka embaixador neebe remata ona nia mandatu iha Cuba, katak Milena Rangel.
Maibé embaixador dezignadu nain rua ne’e bainhira mak aranka hodi hala’o nia misaun iha nasaun rua ne’e normalmente seidauk hatene tanba iha hela prosesu administrativu nia laran tanba ne’e presiza finaliza lai antes embaixador nain rua aranka ba Portugál no Cuba.
“Wanhira maka atu aranka ne’e, normalmente agora iha prosesu administrativu nia laran, dala ruma bele lori fulan ida ka rua nian laran maibe bele ba banhira deit ho Ministeriu Negosiu Estranjeiru sei trata asunu administrativu balun, presiza finaliza lai antes embaixador nain-2 aranka ba Portugal no ida seluk ba Kuba, hatete Milena.
Iha fatin hanesan Embaixadór Dezignadu ba República Cuba, Nívio Magalhães hato’o agradese ba Prezidente Repúblika no Primeiru Ministru nune’e mós membru Governu tomak ne’ebé fó konfiansa hodi halo kna’ar hanesan embaixador Timor leste nian ba Cuba tanba ne’e ho responsablidade ne’ebe simu sei kontinua koopera ho relasaun bilateral ne’ebé durante ne’e establese ona tanba ne’e sei kontinua hametin koperasaun ida nee.
“Dahuluk hakarak agradese ba Prezidente Republika no Primeiru Ministru no membru Governu tomak ne’ebe deposita nia komfiansa mai hau hodi hala’o kna’ar hanesan Embaixador Timor Leste nia ba Cuba, ondra no preveleizu bo’ot tebes mai ha’u atu asume responsablidade ida ne’e, ho responsablidade ne’ebe hau simu sei kontinua relasaun bilateral no kontinua koperasaun ne’ebe durante ne’e establese ona hanesan ita hotu hatene mediku lubuk ida ne’ebe formado iha Cuba nomos agora dadaun cubano sira iha ne’e, nu’udar mediku kontinua fo apoiu mai ita tanba ne’e hau sei kontinua no hametin koperasaun ida nee, haktuir Nívio Mangalhães.”
Embaixador dezignadu Cuba, Nívio Mangalhães hatutan bainhira iha ne’eba nia sei esplora oportunidade foun sei dedika ho esforsu tomak ne’ebé iha hodi asegura misaun ida ne’e bele susesu tanba ne’e planu no orden ne’ebé iha no sempre kaer metin nafatin to’o misaun remata iha Cuba
“Bainhira iha ne’eba hau mós sei esplora oportunidade foun ba koperasaun, hau sei fo prioridade ba setor saude nomos esplora setor sira seluk ne’ebe importante mai ita nia rai, ezemplu edukasaun, joventude desporto, agrikultura no seluk tan, Tanba ne’e Hau didika hau nia a’an tomak sei asegura hau nia esforsu tomak atu nune’e misaun ida ne’e bele susesu, hau nia planu de Ordem tolu neebe hau sempre ka’er nafatin too hau iha ne’eba to’o misaun remata, ida hametin koperasaun, rua explora oportunidade, tolu garante reprezentasaun hotu ho dignu, katak Nivio.”
Aliende ne’e mós embaixadora dezignadu ba Cominidade dos Paises de Lingua Portuguesa (CPLP) Laura Abrantes, hato’o mós agradese wain ba Prezidente Repúblika Jose Ramos Horta ne’ebe mak nomeia sira hanesan embaxadora husi Timor-Leste ba CPLP no misaun ne’ebe mak sei lori, sai hanesan responsabilidade ida tanba ne’e sei lori nafatin hodi dezenvolve liu tan língua Portuguesa iha area edukasaun.
“Hakarak agradese wain tebes no profundus gratidaun ba Prezidente Repúblika José Ramos Horta ne’ebe mak nomeia sira hanesan embaxadora da Republika Timor-Leste ba CPLP, entaun misaun ida neebe mak sei lori sai hanesan responsabilidade ida.Misaun sira nee hau foti atu bele luta hodi lori nafatin, lori nafatin moris diak ba komunidade, liu-liu ba foin sae sira intermus de edukasaun, ne’ebe ita hakarak aprifunda iha lingua portuguesa, haktuir embaixadora dezignadu Laura Abrantes.”
Tanba lingua Portuguesa hanesan lingua ne’ebe mak ofisial tebes iha nasaun Republika Demokrátika Timor-Leste, tanba ne’e tenke espresa no tenki kultural liu husi desenvolvimentu kapital umanu liu-liu estabelese no oferese bolsu estudu ba foinsae sira feto no mane sira atu nune’e bele iha padraun edukasional ne’ebe diak no aprofunda tebes ba Timor Leste, hatutan Laura Abrantes.
Jornalista : Tonia Neto
Editor : Luhamutu
